Shyǵys Qazaqstannyń 6 myńnan astam oqýshysy týǵan ólkeniń tarihy men tabiǵatyn tereńirek tanýǵa múmkindik aldy, – dep habarlaidy Dalanews.kz
«Kieli Shyǵys» jobasyna Shyǵys Qazaqstan oblysyndaǵy jalpy bilim berý mekemeleriniń 7-8-synyp oqýshylary qatysady.
Joba eki kezeńde ótkiziledi:
- 1-kezeń – «Kieli Shyǵys» intellektýaldyq konkýrsy;
- 2-kezeń – ShQO boiynsha oqý-tanymdyq týrlar.
Birinshi kezeń 2 sáýirde onlain platformada barlyq aýdan men qala mektepterinde ótti. Konkýrsqa 6 144 oqýshysy qatysty. Qatysýshylar óńirlik komponentterge bailanysty «Qazaqstan tarihy», «Geografiia», «Biologiia», «Ádebiet» pánderinen test tapsyrmalaryn oryndady. Konkýrstyń jeńimpazy bolǵan 200 oqýshy maýsym aiynda 4 baǵyt boiynsha oqý-tanymdyq týrlarǵa qatysady: Berel (Katonqaraǵai aýdany), Qiyn-Kerish (Kúrshim aýdany), Taýly Úlbi – Ridder qalasy, Sibe kólderi – Marin jartasy.
Oqý-tanymdyq týrlar baǵdarlamasyna ekskýrsiialar, sheberlik sabaqtary jáne týrizm negizderi boiynsha oqý-praktikalyq sabaqtar engizilgen. Sondai-aq týǵan ólkeniń dástúrleri, mádenieti men murasyn zertteý kózdelgen.
Oqýshylarǵa uiymdastyrýshylar, gid-ekskýrsiia júrgizýshiler, týrizm boiynsha kásibi jattyqtyrýshylar, muǵalimder, meditsina jáne politsiia qyzmetkerleri ilesip júredi.
Balalar úshin Shyǵys Qazaqstannyń murajailaryn, qoryqtaryn, mádeni-tarihi eskertkishterin, kieli oryndaryn, tabiǵi ulttyq parkterin kórýge – biregei múmkindik bolady.
