ەستەرٸڭٸزگە سالا كەتەيٸك, 2021 جىلدىڭ 3 ناۋرىزىندا ٶسكەمەن قالاسىنداعى «ارمان» بالاباقشاسىنىڭ اتا-اناسى تەربيەشٸ تاراپىنان بالالارعا قاتىگەزدٸك كٶرسەتۋ تۋرالى ٶتٸنٸشپەن شىعىس قازاقستان وبلىسىنىڭ بٸلٸم باسقارماسىنا جٷگٸنگەن بولاتىن.
جينالىسقا قر بٸلٸم جەنە عىلىم مينيسترلٸگٸنٸڭ, وبلىستىق پروكۋراتۋرانىڭ, شقو بويىنشا پوليتسييا دەپارتامەنتٸنٸڭ ٶكٸلدەرٸ, كەمەلەتكە تولماعاندار ٸستەرٸ جٶنٸندەگٸ قالالىق جەنە اۋداندىق كوميسسييالاردىڭ تٶراعالارى مەن حاتشىلارى, قالالار مەن اۋدانداردىڭ بٸلٸم بەرۋ بٶلٸمدەرٸنٸڭ باسشىلارى, سونداي-اق «ارمان» بالاباقشاسى تەربيەلەنۋشٸلەرٸنٸڭ اتا-انالارى قاتىستى.
كوميسسييا تٶراعاسى-وبلىس ەكٸمٸنٸڭ ورىنباسارى ەلٸشەر مارحاباتتىڭ ايتۋىنشا, وقيعا 17 اقپاندا بولعان. الايدا بالاباقشا ەكٸمشٸلٸگٸ تاراپىنان دەر كەزٸندە تيٸستٸ شارالار قابىلدانباعان.
– وسى سەبەپتٸ, «ارمان» بالاباقشاسىنىڭ ەكٸمشٸلٸگٸ تاراپىنان بۇزۋشىلىقتار ەش كٷمەن تۋدىرمايدى. ۆيدەودا مۇعالٸم بالانى ەكٸ رەت ەدەنگە لاقتىراتىنى جەنە مۇنىڭ بەرٸ باسقا بالالاردىڭ, سونداي-اق مەكەمە قىزمەتكەرلەرٸنٸڭ كٶز الدىندا بولعاندىعى كٶرسەتٸلگەن. وقيعا 17 اقپاندا بولدى, بٸراق بٸزگە بۇل جاعداي كەشە عانا بەلگٸلٸ بولدى. بالاباقشا ەكٸمشٸلٸگٸ ەشكٸمدٸ حاباردار ەتپەدٸ. وسىعان بايلانىستى, كەشە بٸزدٸڭ تاراپىمىزدان شۇعىل شارالار قابىلدانىپ, وسى جاعداي بويىنشا بارلىق دەرەكتەر قۇقىق قورعاۋ ورگاندارىنا بەرٸلدٸ.
3 ناۋرىزدا قر قك 140-بابى 2-بٶلٸگٸ بويىنشا سوتقا دەيٸنگٸ تەرگەۋ باستالدى. بٷگٸن بالاباقشا ديرەكتورى مەن تەربيەشٸ اتقارىپ وتىرعان قىزمەتتەرٸنەن بوساتىلدى. جاعداي وبلىس ەكٸمٸنٸڭ جەكە باقىلاۋىندا ەكەنٸن اتاپ ٶتكٸم كەلەدٸ. بٸلٸم بەرۋ, مەكتەپكە دەيٸنگٸ, ارنايى مەكەمەلەردەگٸ بالالارعا مۇنداي كٶزقاراسقا جول بەرٸلمەيدٸ, – دەدٸ ەلٸشەر مارحابات.
بٷگٸن بالاباقشا اتا-انالارىمەن كەزدەسۋ ٶتتٸ. اتا-انالار كٷنٸ بويى ارنايى كەلٸپ, بەينەباقىلاۋ جٷيەسٸ ارقىلى باسقا توپتارداعى جاعدايدى تەكسەرۋدە. حەلگا زاريتوۆسكايا بالاباقشا اتا-انالارىنىڭ اتىنان وتىرىستا سٶز سٶيلەپ, وسى جاعدايعا بايلانىستى مەكەمەنٸڭ بارلىق قىزمەتكەرلەرٸ ەدٸل جازا السىن دەگەن تٸلەگٸن بٸلدٸردٸ.
– ەڭ الدىمەن بارشاڭىزعا العىس ايتقىم كەلەدٸ. شىنىندا دا, بٸزدٸڭ ٸسٸمٸزگە بارلىعى, سونىڭ ٸشٸندە وبلىس باسشىلىعى دا قوسىلدى. بٸزدە بٸر تٸلەك بار, وسى بالالار مەكەمەسٸن تولىق تەكسەرسەڭٸزدەر. بٸز ديرەكتورعا, تەربيەشٸگە جەنە ونىمەن بٸرگە جۇمىس ٸستەگەن باسقا تەربيەشٸگە, سونداي-اق كٷتۋشٸلەر مەن مەدبيكەلەرگە قاتىستى بارىنشا شارالار قابىلدانعانىن قالايمىز. سونىمەن قاتار, ۆيدەودان وقيعانىڭ كۋەسٸ بولعانىن كٶرۋگە بولاتىن, الايدا ەش شارا قابىلداماعان حاتشىدا جاۋاپكەرشٸلٸككە تارتىلۋى كەرەك, – دەپ اتاپ ٶتتٸ حەلگا زاريتوۆسكايا.
كوميسسييانىڭ بارلىق مٷشەلەرٸ اتا-انانى قولداپ, بولاشاقتا مۇنداي وقيعالارعا جول بەرمەۋ ٷشٸن تيٸستٸ شارالار قابىلداۋ قاجەتتٸگٸن اتاپ ٶتتٸ.
– بٸز سٸزدەر سيياقتى بالالارىمىزدىڭ ساپالى بٸلٸم جەنە لايىقتى تەربيە الۋىنا, ەڭ باستىسى ولاردىڭ قاۋٸپسٸز جاعدايدا بولۋىنا مٷددەلٸمٸز. بۇل بالانىڭ فيزيكالىق جەنە پسيحولوگييالىق دەنساۋلىعىنا دا قاتىستى. بۇل ٸسكە قاتىستى ەشقانداي ەرەكشە كٶزقاراس بولماۋى كەرەك. بٸزدٸڭ تاراپىمىزدان بارىنشا قولداۋ بولادى, – دەدٸ شقو ەكٸمٸنٸڭ ورىنباسارى ەلٸشەر مارحابات.
ايتا كەتەيٸك, وبلىس ەكٸمٸ دانيال احمەتوۆتٸڭ تاپسىرماسى بويىنشا كوميسسييا ٶڭٸردەگٸ بٸلٸم بەرۋ ۇيىمدارىنىڭ بەينەباقىلاۋ جٷيەسٸن ٸشكٸ ٸستەر ورگاندارىنىڭ جەدەل باسقارۋ ورتالىعىنا شىعارۋ مەسەلەسٸن قارادى. كوميسسييانىڭ شەشٸمٸ بويىنشا جۇمىس توبى قۇرىلدى.
بٸلٸم باسقارماسىنىڭ اقپاراتىنا سەيكەس, قازٸرگٸ ۋاقىتتا بٸلٸم بەرۋ ۇيىمدارىنىڭ بەينەباقىلاۋ جٷيەلەرٸن ٸشكٸ ٸستەر ورگاندارىنىڭ جەدەل باسقارۋ ورتالىعىنا شىعارۋ جۇمىسى قولدانىستاعى ستاندارتتارعا سەيكەس كەزەڭ-كەزەڭٸمەن جٷرگٸزٸلۋدە.
بٷگٸنگٸ تاڭدا شىعىس قازاقستان وبلىسىندا بارلىق بالاباقشالار مەن مەكتەپتەر بەينەباقىلاۋمەن جابدىقتالعان.
كوميسسييا, سونداي-اق ايىنا بٸر رەت مونيتورينگتٸك توپ جۇمىسىنىڭ قورىتىندىسىن قاراۋعا شىعارۋ تۋرالى شەشٸم قابىلدادى. اتالمىش توپ ٶز كەزەگٸندە وبلىستىڭ مەكتەپكە دەيٸنگٸ ۇيىمدارىنىڭ بەينەباقىلاۋ جٷيەلەرٸنٸڭ بارلىق جازبالارىن اپتا سايىن زەردەلەيتٸن بولادى.
