شٶكەەۆتٸڭ ورنىنا ساتىبالدى كەلدٸ: تٷركٸستان وبلىسىنا جاڭا ەكٸم تاعايىندالدى
بۇل تۋرالى اقوردانىڭ سايتىندا جازىلدى.
“مەملەكەت باسشىسىنىڭ جارلىعىمەن ٶمٸرزاق ەستايۇلى شٶكەەۆ تٷركٸستان وبلىسىنىڭ ەكٸمٸ لاۋازىمىنان بوساتىلدى.
دارحان امانگەلدٸۇلى ساتىبالدى تٷركٸستان وبلىسىنىڭ ەكٸمٸ بولىپ تاعايىندالسىن, ول قازاقستان رەسپۋبليكاسىنىڭ ٶزبەكستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ لاۋازىمىنان بوساتىلسىن”, – دەلٸنگەن حابارلامادا.
ساتىبالدى دارحان امانگەلدٸۇلى - سەنات دەپۋتاتى بولىپ شىمكەنت قالاسىنان سايلانعان. 1974 جىلى 26 ناۋرىزدا تۋعان, قازاق, بٸلٸمٸ جوعارى. س.سەيفۋللين اتىنداعى اقمولا اۋىل شارۋاشىلىق ينستيتۋتىن, قازاق گۋمانيتارلىق-زاڭ ۋنيۆەرسيتەتٸن بٸتٸرگەن.
ەكونوميست-مەنەدجەر, زاڭگەر, ە.ع.ك. قر پرەمەر-مينيسترٸ كەڭسەسٸ بٶلٸم مەڭگەرۋشٸسٸنٸڭ ورىنباسارى, شىمكەنت قالاسىنىڭ ەكٸمٸ, وڭتٷستٸك قازاقستان وبلىسى ەكٸمٸنٸڭ بٸرٸنشٸ ورىنباسارى بولىپ قىزمەت اتقاردى. "قۇرمەت" وردەنٸمەن, "ەرەن ەڭبەگٸ ٷشٸن" مەدالٸمەن ماراپاتتالعان.
ەسكە سالايىق, 26 تامىزدا ٶمٸرزاق شٶكەەۆ قىزمەتٸنەن كەتۋگە ٶتٸنٸش بەرگەن.
كەيٸننەن شٶكەەۆتٸڭ مۇنداي شەشٸمگە قول استىنداعى قىزمەتكەرٸ, كەنتاۋ قالاسىنىڭ ەكس-ەكٸمٸ دەۋرەن ماحاجانوۆقا قاتىستى سىبايلاس جەمقورلىق قۇقىق بۇزۋشىلىق جاساعانى ٷشٸن سوت ٷكٸمٸ كٷشٸنە ەنگەننەن كەيٸن كەلگەنٸ بەلگٸلٸ بولدى.
