Shókeevtiń ornyna Satybaldy keldi: Túrkistan oblysyna jańa ákim taǵaiyndaldy
Bul týraly Aqordanyń saitynda jazyldy.
“Memleket basshysynyń Jarlyǵymen Ómirzaq Estaiuly Shókeev Túrkistan oblysynyń ákimi laýazymynan bosatyldy.
Darhan Amangeldiuly Satybaldy Túrkistan oblysynyń ákimi bolyp taǵaiyndalsyn, ol Qazaqstan Respýblikasynyń Ózbekstan Respýblikasyndaǵy Tótenshe jáne Ókiletti Elshisi laýazymynan bosatylsyn”, – delingen habarlamada.
Satybaldy Darhan Amangeldiuly - Senat depýtaty bolyp Shymkent qalasynan sailanǵan. 1974 jyly 26 naýryzda týǵan, qazaq, bilimi joǵary. S.Seifýllin atyndaǵy Aqmola aýyl sharýashylyq institýtyn, Qazaq gýmanitarlyq-zań ýniversitetin bitirgen.
Ekonomist-menedjer, zańger, e.ǵ.k. QR Premer-Ministri Keńsesi bólim meńgerýshisiniń orynbasary, Shymkent qalasynyń ákimi, Ońtústik Qazaqstan oblysy ákiminiń birinshi orynbasary bolyp qyzmet atqardy. "Qurmet" ordenimen, "Eren eńbegi úshin" medalimen marapattalǵan.
Eske salaiyq, 26 tamyzda Ómirzaq Shókeev qyzmetinen ketýge ótinish bergen.
Keiinnen Shókeevtiń mundai sheshimge qol astyndaǵy qyzmetkeri, Kentaý qalasynyń eks-ákimi Dáýren Mahajanovqa qatysty sybailas jemqorlyq quqyq buzýshylyq jasaǵany úshin sot úkimi kúshine engennen keiin kelgeni belgili boldy.
