شىمكەنت قالالىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى ەبدٸماناپ تٶلەباەۆ التى جىلعا سوتتالدى, دەپ حابارلايدى Dalanews.kz.
Sputnik.kz ۇسىنعان سوت ماتەريالىنا سەيكەس, تٶلەباەۆ دەپارتامەنتتٸڭ اۋداندىق باسقارماسىنىڭ جەتەكشٸ مامانى لاۋازىمىنا جۇمىسقا ورنالاستىرۋ ٷشٸن 600 مىڭ تەڭگە كٶلەمٸندە پارا العان. بۇل اقشانى دەپارتامەنتتٸڭ پەرسونالدى باسقارۋ قىزمەتٸنٸڭ باسشىسى تۇرسىنباەۆا مەن كٶلٸكتەگٸ سانيتارلىق-ەپيدەميولوگييالىق باقىلاۋ باسقارماسىنىڭ باسشىسى ماحاتوۆا الىپ كەلگەن. ولارمەن بٸرگە پارا بەرگەن ەشٸرباەۆا دا جاۋاپقا تارتىلدى.
شىمكەنت قالاسىنىڭ قىلمىستىق ٸستەر جٶنٸندەگٸ اۋدانارالىق سوتىنىڭ ٷكٸمٸمەن تٶلەباەۆ التى جىلعا باس بوستاندىعىنان ايىرىلسا, گ. تۇرسىنباەۆاعا - 21 ملن تەڭگە, س. ماحاتوۆاعا – 9 ملن تەڭگە, ال س. ەشٸرباەۆاعا – 12 ملن تەڭگە ايىپپۇل سالىندى.
سوت ٷكٸمٸ زاڭدى كٷشٸنە ەنگەن جوق. بارلىعىنا مەملەكەتتٸك قىزمەتتە جۇمىس ٸستەۋگە ٶمٸر بويىنا تىيىم سالىندى.
