Shymkent qalalyq sanıtarıalyq-epıdemıologıalyq baqylaý departamentiniń basshysy Ábdimanap Tólebaev alty jylǵa sottaldy, dep habarlaıdy Dalanews.kz.

Sputnik.kz usynǵan sot materıalyna sáıkes, Tólebaev departamenttiń aýdandyq basqarmasynyń jetekshi mamany laýazymyna jumysqa ornalastyrý úshin 600 myń teńge kóleminde para alǵan. Bul aqshany departamenttiń personaldy basqarý qyzmetiniń basshysy Tursynbaeva men kóliktegi sanıtarlyq-epıdemıologıalyq baqylaý basqarmasynyń basshysy Mahatova alyp kelgen. Olarmen birge para bergen Áshirbaeva da jaýapqa tartyldy.

Shymkent qalasynyń qylmystyq ister jónindegi aýdanaralyq sotynyń úkimimen Tólebaev alty jylǵa bas bostandyǵynan aıyrylsa, G. Tursynbaevaǵa - 21 mln teńge, S. Mahatovaǵa – 9 mln teńge, al S. Áshirbaevaǵa – 12 mln teńge aıyppul salyndy.

Sot úkimi zańdy kúshine engen joq. Barlyǵyna memlekettik qyzmette jumys isteýge ómir boıyna tyıym salyndy.