بيىلدان باستاپ SCAT اۋە كومپانياسى  شىمكەنت – ءۇرىمشى باعىتى بويىنشا تىكەلەي رەيستەردى ىسكە قوسادى. جاڭا اۋە باعىتى قىتايعا ساپاردى بۇرىنعىدان دا قولجەتىمدى ءارى ىڭعايلى ەتپەك، دەپ حابارلايدى Dalanews.kz.

كومپانيانىڭ مالىمەتىنشە، رەيستەر اپتاسىنا ەكى رەت – سەيسەنبى جانە جۇما كۇندەرى ورىندالادى. ال كەرى باعىتتاعى ۇشاقتار سارسەنبى جانە سەنبى كۇندەرى ۇشادى. ۇزاقتىعى – نەبارى 2 ساعات 20 مينۋت.

ۇرىمشىگە قانداي ماقساتتا بارۋعا بولادى؟

بۇل قالا - قىتايدىڭ شىڭجاڭ-ۇيعىر اۆتونوميالىق اۋدانىنداعى ساۋدا، مادەنيەت جانە بيزنەس ورتالىعى. مۇندا زاماناۋي تەحنولوگيالار مەن شىعىستىڭ ءداستۇرلى مادەنيەتى ۇيلەسىم تاپقان. ساۋدا ورىندارىنداعى ءتۇرلى-تۇستى دامدەۋىشتەر، جىبەك ماتا، ءتىل ۇيىرەر ۇيعىر تاعامدارى... جانە دە الەمگە اتى ايگىلى بازار قاتارلارىنان باسقا دا قاجەتتىنىڭ ءبارىن تاباسىز.

ءۇرىمشىنىڭ تابيعاتى دا ەرەكشە. ماسەلەن، تيان-شان تاۋلارى، اسەم تيانچي كولى جانە كوپتەگەن تابيعي قورىقتارىنا تابان تىرەپ، تازا اۋاسىمەن تىنىستاپ قايتۋىڭىزعا بولادى.  

قالا ىشىندە دە كورىكتى جەرلەرى جەتىپ ارتىلادى. شىڭجاڭنىڭ باستى مۇراجايى - ونىڭ ەكسپوناتتارىنىڭ اراسىندا 3000-4000 جىلدىق مۋميالار، سونىڭ ىشىندە ايگىلى "لوۋلان سۇلۋى"، ۇلى جىبەك جولىنىڭ جىبەك ارتەفاكتىلەرى، بۋددا فرەسكالارى، مۇسىندەر جانە ت.ب. بىرەگەي جادىگەرلەر بار.

ۇلكەن الاڭى بار اسەم قىزىل توبە -  مەگاپوليستىڭ ەڭ تارتىمدى ورنى. سزەفان اۋدانىنداعى ورتالىق كوشەلەردە سەرۋەندەپ، كوپتەگەن جايلى كافەلەر، مەيرامحانالار مەن دۇكەندەردى ارالاۋعا بولادى.

بيلەتتەر scat.kz. سايتىندا، SCAT ءموبيلدى قوسىمشاسىندا جانە باسقا دا ساتۋ پلاتفورمالارىندا قولجەتىمدى.