Bıyldan bastap SCAT áýe kompanıasy  Shymkent – Úrimshi baǵyty boıynsha tikeleı reısterdi iske qosady. Jańa áýe baǵyty Qytaıǵa sapardy burynǵydan da qoljetimdi ári yńǵaıly etpek, dep habarlaıdy Dalanews.kz.

Kompanıanyń málimetinshe, reıster aptasyna eki ret – seısenbi jáne juma kúnderi oryndalady. Al keri baǵyttaǵy ushaqtar sársenbi jáne senbi kúnderi ushady. Uzaqtyǵy – nebári 2 saǵat 20 mınýt.

Úrimshige qandaı maqsatta barýǵa bolady?

Bul qala - Qytaıdyń Shyńjań-Uıǵyr avtonomıalyq aýdanyndaǵy saýda, mádenıet jáne bıznes ortalyǵy. Munda zamanaýı tehnologıalar men Shyǵystyń dástúrli mádenıeti úılesim tapqan. Saýda oryndaryndaǵy túrli-tústi dámdeýishter, jibek mata, til úıirer uıǵyr taǵamdary... Jáne de álemge aty áıgili bazar qatarlarynan basqa da qajettiniń bárin tabasyz.

Úrimshiniń tabıǵaty da erekshe. Máselen, Tán-SHan taýlary, ásem Tánchı kóli jáne kóptegen tabıǵı qoryqtaryna taban tirep, taza aýasymen tynystap qaıtýyńyzǵa bolady.  

Qala ishinde de kórikti jerleri jetip artylady. Shyńjańnyń basty murajaıy - onyń eksponattarynyń arasynda 3000-4000 jyldyq mýmıalar, sonyń ishinde áıgili "Loýlan sulýy", Uly Jibek jolynyń Jibek artefaktileri, býdda freskalary, músinder jáne t.b. biregeı jádigerler bar.

Úlken alańy bar ásem Qyzyl tóbe -  megapolıstiń eń tartymdy orny. Szefan aýdanyndaǵy ortalyq kóshelerde serýendep, kóptegen jaıly kafeler, meıramhanalar men dúkenderdi aralaýǵa bolady.

Bıletter scat.kz. saıtynda, SCAT mobıldi qosymshasynda jáne basqa da satý platformalarynda qoljetimdi.