قالا ەكٸمٸ مۇرات ەيتەنوۆ شىمكەنتتەگٸ قاپتاعان تويحانالاردى بٸلٸم وردالارىنا اينالدىرۋدى ۇسىنعان.
"شىمكەنت قالاسىنداعى 147 مەملەكەتتٸك مەكتەپتٸڭ 19-ى ٷش اۋىسىمدا. جىلىنا وقۋشىلار سانى 12 مىڭ بالاعا ارتىپ وتىر. قوسىمشا بٸلٸم تۇرماق, نەگٸزگٸ بٸلٸمدٸ قامتۋ ٷشٸن جىل سايىن قانشاما مەكتەپ سالۋ كەرەك.
ەكٸم ويلانىپ وتىردى دا, «وسى قازٸر تويحانالار جابىق. قاشان اشىلاتىنى بەلگٸسٸز. سولاردىڭ يەلەرٸمەن سٶيلەسٸڭدەر. ولاردىڭ بٸرقاتارىن قوسىمشا بٸلٸم بەرۋ ۇيىمدارىنا اينالدىرايىق» دەپ تاپسىردى", – دەيدٸ شىڭعىس مۇقان.
قالا ەكٸمٸنٸڭ بٸرٸنشٸ ورىنباسارى پرەزيدەنت توقاەۆتىڭ ٸندەتتٸڭ ەلٸ ەكٸ جىلعا سوزىلۋى مٷمكٸن دەگەن سٶزٸن نازارعا الىپ, وعان دەيٸن حالىق تويدى شاعىنداپ ٶتكٸزۋدٸ ەدەتكە اينالدىرارىنا سەنٸم بٸلدٸرٸپتٸ.
شىڭعىس مۇقاننىڭ بولجامىنشا بۇدان بىلاي ٷلكەن تويحانالار بۇرىنعىداي سۇرانىسقا يە بولۋى نەعايبىل. ونىڭ ٷستٸنە, ادامدار كٶپشٸلٸك جەرگە بارۋعا اياق تارتىپ قالعان.
"وسىندايدا شىمكەنتتەگٸ 134 تويحانانىڭ تاعدىرى نە بولماق? بوس تۇرا بەرە مە, ەلدە قوعامعا باسقالاي قىزمەت ەتە مە?
مىسالى, ماڭدايىنا «سالتانات» تويحاناسى دەپ جازىلىپ تۇرعاننان, سول عيماراتقا بٸلٸم سارايى دەپ جازىپ قويسا, قانداي كەرەمەت! تٸپتٸ بٸلٸم سارايىنا يەسٸنٸڭ اتىن بەرسٸن.
مەنٸڭ ويىمشا, تويحانالاردى ويحانالارعا وينالدىرۋدىڭ جولدارى مىنالار:
- Coworking center
- جاستار ورتالىعى
- شىعارماشىلىق ورتالىعى
- وقۋشىلار سارايى
- IT hub
- ٶنەر سارايى
- دومبىرا ورتالىعى
- شەبەرلەر مەكتەبٸ
- STEM center
تويحانالاردى جاستاردىڭ ەلەۋەتٸن ارتتىراتىن ورتالىققا اينالدىرۋدىڭ تٷرٸ كٶپ", – دەيدٸ شىڭعىس مۇقان. بۇعان الماتىداعى SmART POINT كوۋوركينگ ورتالىعىن مىسالعا كەلتٸرگەن ول, اتالعان ورتالىقتىڭ بٷگٸنگٸ كٷنٸ ەلٸمٸزدەگٸ جەتەكشٸ IT hub-قا اينالعانىن تٸلگە تيەك ەتٸپتٸ.
تويحانا بيزنەسٸنەن باس تارتىپ, ٸرٸ سالتانات سارايلارىن ٶز ەركٸمەن مەكتەپكە اينالدىرىپ جاتقان كەسٸپكەرلەر دە بار. شىڭعىس مۇقاننىڭ حابارلاعانىنداي قازٸر "نۇرسەت" ىقشام اۋدانىندا ورنالاسقان «وڭتٷستٸك» اتتى سالتانات سارايى مەكتەپكە اينالىپ جاتىر.
"بۇل اۋداندا ورنالاسقان 80-مەكتەپ ٷش اۋىسىمدى. سالتانات سارايىنا باردىم. ساراي دەسە ساراي. مۇنداي زەۋلٸم عيماراتتى مەكتەپكە اينالادى دەپ كٸم ويلاعان!
بٸراق بۇل ەكٸمدٸكتٸڭ تاپسىرماسىمەن اشىلعان مەكتەپ ەمەس. تويحانا يەسٸنٸڭ ٶز قالاۋى. رەسپەكت. مينيسترلٸكتەن ليتسەنزييا العان. نەگٸزٸ تويحانالار, ەكٸم ايتپاقشى, قوسىمشا بٸلٸم بەرۋ ۇيىمدارىنا, جاستار ورتالىعى, كوۆوركينگ ورتالىقتارعا سۇرانىپ تۇر. قۇرمەتتٸ كەسٸپكەرلەر, بٸلٸم سالاسىنا قارجى سالىڭىزدار. تابىسى ازداۋ بولار. بالالارىڭىزدىڭ بولاشاعى جارقىن بولسىن دەسەڭٸزدەر, بٸلٸم سالاسىنا باس بۇرىڭىزدار. تويحانالاردى ويحاناعا اينالدىرىق,", – دەپ جازعان ەكەن جەلٸدەگٸ پاراقشاسىندا قالا ەكٸمٸنٸڭ بٸرٸنشٸ ورىنباسارى.
