8 ءساۋىر كۇنى ەلىمىزدە رەسپۋبليكا بويىنشا «تازا قازاقستان» ەكولوگيالىق اكسياسى باستاۋ الدى. ناۋقان بەس اپتاعا سوزىلادى جانە ءار اپتانىڭ وزىندىك تاقىرىبى مەن ناقتى ماقساتى بار.
اتالعان ناۋقانعا شىمكەنت قالاسىنىڭ تۇرعىندارى دا ەرەكشە قولداۋ ءبىلدىرىپ، جۇمىستاردى بەلسەندى باستاپ كەتتى، دەپ حابارلايدى Dalanews.kz.
ەكولوگيالىق اكسيانىڭ العاشقى اپتاسى «تازا ولكە» اپتالىعى اياسىندا قالا تۇرعىندارى، قوعام بەلسەندىلەرى، ۇيىمدار مەن كاسىپورىنداردىڭ قىزمەتكەرلەرى ىرگەلەس اۋماقتار مەن بەلگىلەنگەن اۋلالاردى تازالاۋ، كوگالداندىرۋ، اعاشتاردى كۇتىپ-باپتاۋ جۇمىستارىن جۇرگىزۋدە.
ال بۇگىن شىمكەنتتە #TazaShym اتتى جالپى قالالىق تازالىق ءىس-شاراسى وتكىزىلدى. ءىس-شارا بارىسىندا بارلىق اۋداندار مەن ەلدى-مەكەن اۋماقتارىندا تازالاۋ جۇمىستارى جۇرگىزىلدى.
سولاردىڭ ءبىرى اباي اۋدانى اۋماعىندا وتكىزىلدى. ناۋقانعا «شىمسيتي»، «تۇران»، «اسار» جانە وزگە دە ىرگەلەس شاعىن اۋداندارىنىڭ 500-دەن استام تۇرعىندارى قاتىسىپ، 20-جۋىق تەحنيكا جۇمىلدىرىلدى. قاتىسۋشىلار اۋلالاردى، جەر استى جانە جول ءۇستى جۇرگىنشىلەر جولدارىن، ايالدامالاردى، سونىمەن بىرگە بايدىبەك بي داڭعىلى مەن ا2 تاس جولى بويىن تازالاۋ جانە اباتتاندىرۋ جۇمىستارىن جۇرگىزدى.
ءىس-شاراعا تۇرعىندارمەن بىرگە اۋىل ءبيى، ەڭبەك ارداگەرى، وتباسى جانە ايەلدەر ىستەرى جونىندەگى كوميسسيانىڭ مۇشەسى – و.تاجىبايەۆا، №90 مەكتەپ ديرەكتورى – ا.ورىنبايەۆ، بەلسەندى جاس – گ.قۇدايبەرگەن، ارداگەرلەر، جاستار وكىلدەرى جانە باسقا دا قوعام بەلسەندىلەرى مەن تانىمال ازاماتتار اتسالىسىپ، قولداۋ كورسەتتى
