Shymkentte respýblıkalyq «Taza Qazaqstan» ekologıalyq aksıasy jalǵasýda

Dalanews 12 sáý. 2024 11:35 1744

8 sáýir kúni elimizde respýblıka boıynsha «Taza Qazaqstan» ekologıalyq aksıasy bastaý aldy. Naýqan bes aptaǵa sozylady jáne ár aptanyń ózindik taqyryby men naqty maqsaty bar.
Atalǵan naýqanǵa Shymkent qalasynyń turǵyndary da erekshe qoldaý bildirip, jumystardy belsendi bastap ketti, dep habarlaıdy Dalanews.kz. 


Ekologıalyq aksıanyń alǵashqy aptasy «Taza ólke» aptalyǵy aıasynda qala turǵyndary, qoǵam belsendileri, uıymdar men kásiporyndardyń qyzmetkerleri irgeles aýmaqtar men belgilengen aýlalardy tazalaý, kógaldandyrý, aǵashtardy kútip-baptaý jumystaryn júrgizýde.


Al búgin Shymkentte #TazaShym atty jalpy qalalyq tazalyq is-sharasy ótkizildi. İs-shara barysynda barlyq aýdandar men eldi-meken aýmaqtarynda tazalaý jumystary júrgizildi.


Solardyń biri Abaı aýdany aýmaǵynda ótkizildi. Naýqanǵa «Shymsıtı», «Turan», «Asar» jáne ózge de irgeles shaǵyn aýdandarynyń 500-den astam turǵyndary qatysyp, 20-jýyq tehnıka jumyldyryldy. Qatysýshylar aýlalardy, jer asty jáne jol ústi júrginshiler joldaryn, aıaldamalardy, sonymen birge Báıdibek bı dańǵyly men A2 tas joly boıyn tazalaý jáne abattandyrý jumystaryn júrgizdi.


İs-sharaǵa turǵyndarmen birge aýyl bıi, eńbek ardageri, otbasy jáne áıelder isteri jónindegi komısıanyń múshesi – O.Tájibaeva, №90 mektep dırektory – A.Orynbaev, belsendi jas – G.Qudaıbergen, ardagerler, jastar ókilderi jáne basqa da qoǵam belsendileri men tanymal azamattar atsalysyp, qoldaý kórsetti


Usynylǵan
Sońǵy jańalyqtar