قوس جيناقتىڭ تۇساۋكەسەرىنە وڭىردەگى زيالى قاۋىم وكىلدەرى، وقىرماندار، كىتاپسۇيەر جاستار مەن وقىرماندار جينالدى. يگى شارادا العاشقى بولىپ ءسوز العان ۇلاسبەك سادىبەك ۇلى قوس جيناقتىڭ وبلىس رۋحانياتى ءۇشىن ماڭىزدى ەكەندىگىن جەتكىزدى.
– بۇگىن ەكى كىتاپتىڭ تۇساۋى كەسىلگەلى تۇر. العاشقىسى، ەلباسىنىڭ 1997-2017 جىلدارداعى جولداۋلارى ءبىر جيناققا توپتاستىرىلىپ، وزبەك تىلىندە جارىققا شىقتى. كىتاپتىڭ قۇراستىرۋشىسى وبلىستىق «جانۋبيي قوزوعيستون» گازەتىنىڭ باس رەداكتورى اليشەر ساتۆالدييەۆ. بۇل ۇلكەن ەڭبەك ەكەندىگىن ايتا كەتكەن ءجون.
كەيىنگىسى، 2017 جىلى قاسيەتتى تۇركىستان قالاسى – تۇركى قالاسىنىڭ مادەني استاناسى بولىپ جاريالاندى. وسىعان وراي ناۋرىز ايىنان باستاپ 5 جەلتوقسان ارالىعىندا 40-تان اسا شارا وتكىزىلدى. مىنە، وسىلاردىڭ بارلىعى جيناقتالىپ، «تۇركىستان – تۇركى الەمىنىڭ مادەني استاناسى» اتتى فوتوالبومىنا توپتاستىرىلىپ وتىر. جيناقتى قۇراستىرۋشى بەلگىلى اقىن تەمىرعالي كوپبايەۆ. اتالعان جيناق بولاشاق ءۇشىن تاريح بولماق»، – دەدى ۇلاسبەك سادىبەك ۇلى.
«تۇركىستان – تۇركى الەمىنىڭ مادەني استاناسى» فوتوالبومىندا تۇركىتىلدەس ەلدەردىڭ رۋحاني-مادەني استاناسى تۇركىستان قالاسى بولىپ جاريالانۋى وراي وتكەن ءىس-شارالار تولىق قامتىلعان. حالىقارالىق باسقوسۋلار مەن بايقاۋلار، جالپى اتاۋلى جىلدىڭ ءوتۋ بارىسى جايلى مالىمەتتەر مەن فوتوسۋرەتتەر جيناقتالىپ، تارالىمى 500 دانامەن شىعىپ وتىر.وزبەك تىلىندە جارىق كورگەن «ەلباسى جولداۋلارى – وركەندەۋ كەپىلى. ەلبوشي ماكتۋبلاري – تاراققيەت كافولاتي» كىتابىندا 20 جىل ىشىندەگى 21 جولداۋ جانە «بولاشاققا باعدار: رۋحاني جاڭعىرۋ»، «ۇلت جوسپارى – 100 ناقتى قادام» سىندى تاريحي قۇجاتتار توپتاستىرىلعان. جيناق ەل تاۋەلسىزدىگىنىڭ 26 جىلدىعى مەن «قازاقستان-2030» ستراتەگيالىق باعدارلاماسىنىڭ جاريالانعانىنا 20 جىل تولۋىنا وراي 1000 دانامەن جارىققا شىقتى.
اتالعان جيناقتار الداعى ۋاقىتتا قالالىق جانە اۋىلدىق كىتاپحانالارعا، ءبىلىم مەكەمەلەرىنە جەتكىزىلەتىن بولادى.
وقو اكىمىنىڭ باسپا ءسوز قىزمەتى
