Shymkentte qundy qos kitapty tusaýkeseri ótti
Ońtústik Qazaqstan oblysynyń ortalyǵy Shymkent qalasyndaǵy «Otyrar» ǵylymi-ámbebap kitaphanasynda qos kitaptyń tusaýkeseri ótti. Atap aitqanda, «Elbasy Joldaýlary – órkendeý kepili. Elboshi maktýblari - taraqqiet kafolati» kitaby jáne «Túrkistan – Túrki áleminiń mádeni astanasy» atty fotoalbomy. Aita keterligi, jinaqtar Elbasynyń «Bolashaqqa baǵdar: rýhani jańǵyrý» maqalasy aiasynda oblys ákimi Janseiit Túimebaevtyń bastamasymen jaryq kórip otyr.
Qos jinaqtyń tusaýkeserine óńirdegi ziialy qaýym ókilderi, oqyrmandar, kitapsúier jastar men oqyrmandar jinaldy. Igi sharada alǵashqy bolyp sóz alǵan Ulasbek Sádibekuly qos jinaqtyń oblys rýhaniiaty úshin mańyzdy ekendigin jetkizdi.
– Búgin eki kitaptyń tusaýy kesilgeli tur. Alǵashqysy, Elbasynyń 1997-2017 jyldardaǵy Joldaýlary bir jinaqqa toptastyrylyp, ózbek tilinde jaryqqa shyqty. Kitaptyń qurastyrýshysy oblystyq «Janýbii Qozoǵiston» gazetiniń bas redaktory Alisher Satvaldiev. Bul úlken eńbek ekendigin aita ketken jón.
Keiingisi, 2017 jyly qasietti Túrkistan qalasy – Túrki qalasynyń mádeni astanasy bolyp jariialandy. Osyǵan orai naýryz aiynan bastap 5 jeltoqsan aralyǵynda 40-tan asa shara ótkizildi. Mine, osylardyń barlyǵy jinaqtalyp, «Túrkistan – Túrki áleminiń mádeni astanasy» atty fotoalbomyna toptastyrylyp otyr. Jinaqty qurastyrýshy belgili aqyn Temirǵali Kópbaev. Atalǵan jinaq bolashaq úshin tarih bolmaq», – dedi Ulasbek Sádibekuly.
«Túrkistan – Túrki áleminiń mádeni astanasy» fotoalbomynda túrkitildes elderdiń rýhani-mádeni astanasy Túrkistan qalasy bolyp jariialanýy orai ótken is-sharalar tolyq qamtylǵan. Halyqaralyq basqosýlar men baiqaýlar, jalpy ataýly jyldyń ótý barysy jaily málimetter men fotosýretter jinaqtalyp, taralymy 500 danamen shyǵyp otyr.Ózbek tilinde jaryq kórgen «Elbasy Joldaýlary – órkendeý kepili. Elboshi maktýblari – taraqqiet kafolati» kitabynda 20 jyl ishindegi 21 Joldaý jáne «Bolashaqqa baǵdar: rýhani jańǵyrý», «Ult jospary – 100 naqty qadam» syndy tarihi qujattar toptastyrylǵan. Jinaq el Táýelsizdiginiń 26 jyldyǵy men «Qazaqstan-2030» strategiialyq baǵdarlamasynyń jariialanǵanyna 20 jyl tolýyna orai 1000 danamen jaryqqa shyqty.
Atalǵan jinaqtar aldaǵy ýaqytta qalalyq jáne aýyldyq kitaphanalarǵa, bilim mekemelerine jetkiziletin bolady.
OQO ákiminiń baspasóz qyzmeti
