«امانات» پارتياسى شىمكەنت قالاسى ەڭبەكشى اۋداندىق فيليالىنىڭ سەكتور مەڭگەرۋشىسى مۇحتار اقبەردييەۆ، مەكتەپ مۇعالىمدەرى جولداۋدى جۇزەگە اسىرۋ ماسەلەلەرىن تالقىلاپ، ءبىلىم سالاسىنا جۇكتەلگەن مىندەتتەر بويىنشا ءوزارا پىكىر الماستى.
م.اقبەردييەۆ پرەزيدەنت جولداۋىنداعى ءبىلىم سالاسىن ىلگەرىلەتۋ، ادام كاپيتالىن دامىتۋداعى باسىم باعىتتارعا جان-جاقتى توقتالدى. ەڭبەكشى اۋدانىندا بۇل باعىتتا بارلىق باستاۋىش پارتيا ۇيىمدارىندا كەزدەسۋلەر ۇيىمداستىرىلۋدا.
– جولداۋ اياسىنداعى تاپسىرمالاردى ورىنداۋ بويىنشا اۋداندا باستاۋىش پارتيا ۇيىمدارى، مەكتەپكە دەيىنگى مەكەمەلەر، مەكتەپ مۇعالىمدەرى بەلسەندىلىك تانىتىپ كەلەدى. ەلىمىزدىڭ بولاشاعى – جاس ۇرپاقتى تاربيەلەۋدە ۇستازدارعا جۇكتەلەر مىندەت اۋقىمدى. الداعى ۋاقىتتا پارتيا مۇشەلەرىمەن بىرلەسىپ، جۇمىستار اتقارامىز، – دەدى م.اقبەردييەۆ.
مەكتەپ ديرەكتورى ا.سارىمساقوۆا ءبىلىم سالاسىنا قاتىستى ناقتى تاپسىرمالاردى بىرلەسە ورىنداۋ قاجەتتىگىن ايتتى. تاريح ءپانىنىڭ مۇعالىمدەرى ل.مىرزاقۇلوۆا، ي.باقتىبايەۆ ءبىلىمدى ۇرپاقتى تاربيەلەۋ بويىنشا بايانداما جاسادى.
مەكتەپكە دەيىنگى ۇيىمدار، مەكتەپتەردەگى باستاۋىش پارتيا ۇيىمدارى، مەديسينالىق مەكەمەلەردە كەزدەسۋلەر ودان ءارى جالعاسىن تابادى.
«شىمكەنت كەلبەتى»
