«Amanat» partiiasy Shymkent qalasy Eńbekshi aýdandyq filialynyń sektor meńgerýshisi Muhtar Aqberdiev, mektep muǵalimderi Joldaýdy júzege asyrý máselelerin talqylap, bilim salasyna júktelgen mindetter boiynsha ózara pikir almasty.
M.Aqberdiev Prezident Joldaýyndaǵy bilim salasyn ilgeriletý, adam kapitalyn damytýdaǵy basym baǵyttarǵa jan-jaqty toqtaldy. Eńbekshi aýdanynda bul baǵytta barlyq bastaýysh partiia uiymdarynda kezdesýler uiymdastyrylýda.
– Joldaý aiasyndaǵy tapsyrmalardy oryndaý boiynsha aýdanda bastaýysh partiia uiymdary, mektepke deiingi mekemeler, mektep muǵalimderi belsendilik tanytyp keledi. Elimizdiń bolashaǵy – jas urpaqty tárbieleýde ustazdarǵa júkteler mindet aýqymdy. Aldaǵy ýaqytta partiia múshelerimen birlesip, jumystar atqaramyz, – dedi M.Aqberdiev.
Mektep direktory A.Sarymsaqova bilim salasyna qatysty naqty tapsyrmalardy birlese oryndaý qajettigin aitty. Tarih pániniń muǵalimderi L.Myrzaqulova, I.Baqtybaev bilimdi urpaqty tárbieleý boiynsha baiandama jasady.
Mektepke deiingi uiymdar, mektepterdegi bastaýysh partiia uiymdary, meditsinalyq mekemelerde kezdesýler odan ári jalǵasyn tabady.
«Shymkent kelbeti»
