جۋرناليست سايا ماناربەكقىزى “شىمبۇلاق” تاۋ-شاڭعى كۋرورتىنىڭ باعاسى جىل سايىن قىمباتتاپ, قاراپايىم قازاقستاندىقتار ٷشٸن قولجەتٸمسٸز بولىپ بارا جاتقانىن ايتتى, دەپ حابارلايدى Dalanews.kz.
ونىڭ سٶزٸنشە, بٷگٸندە “شىمبۇلاق” تۋريستەرگە ارنالعانداي ەسەر قالدىرادى. جۋرناليست باعانىڭ ٶسۋٸن قوسىلعان قۇن سالىعىنىڭ (ققس) ٶزگەرۋٸمەن بايلانىستىرۋ قيسىنسىز ەكەنٸن العا تارتتى.
ايتۋىنشا, 2025 جىلى اسپالى جولمەن جوعارى كٶتەرٸلۋ قۇنى 10.800 تەڭگە بولعان, ول كەزدە ققس مٶلشەرلەمەسٸ 12 پايىز ەدٸ. ال 2026 جىلدان باستاپ ققس 16 پايىزعا كٶتەرٸلگەنٸمەن, باعا 4 پايىزعا ەمەس, شامامەن 25 پايىز ٶسكەن.
“قازٸر ەكٸ كەزەككە بٸر ادام ٷشٸن بيلەت قۇنى 10 مىڭ تەڭگەگە جەتتٸ. ەكٸ ادامعا – 20 مىڭ تەڭگە. بۇل باعا مەرەكە كٷندەرٸ 11 قاڭتارعا دەيٸن ساقتالدى. 12 قاڭتاردان باستاپ 8 مىڭ تەڭگەگە تٷستٸ. بٸراق بۇل باعانىڭ ٶزٸ كٶپتەگەن قازاقستاندىق ٷشٸن قولجەتٸمسٸز”, – دەدٸ ول.
ماناربەكقىزىنىڭ سٶزٸنشە, كۋرورت اۋماعىندا تەك شاڭعى تەبۋ ەمەس, تاماقتانۋ قۇنى دا قىمبات. بۇعان دەيٸن ول ەلەۋمەتتٸك جەلٸلەردە بٸر ستاقان شايدىڭ باعاسى 5 مىڭ تەڭگە ەكەنٸ تۋرالى ۆيدەو تاراعانىن دا ەسكە سالدى.
وسىعان بايلانىستى جۋرناليست قوعامدا ەكٸ تٷرلٸ تاريف ەنگٸزۋ تۋرالى ۇسىنىستار ايتىلىپ جاتقانىن جەتكٸزدٸ. ايتۋىنشا, بٸرٸنشٸ تاريف قازاقستان ازاماتتارى ٷشٸن قولجەتٸمدٸ بولۋى كەرەك. ال ەكٸنشٸسٸ, ياعني تۋريستەرگە ارنالعانىن قىمباتىراق بەلگٸلەۋگە بولادى.
"مۇنداي تەجٸريبە كٶپتەگەن ەلدە بار. بٸز شەتەلگە بارعاندا تۋريست رەتٸندە قىمبات تٶلەيمٸز, وعان قارسىلىق بٸلدٸرمەيمٸز. بٸراق ٶز ەلٸمٸزدە قاراپايىم ازاماتتاردىڭ دا دەمالىپ, تازا اۋا جۇتىپ, قولجەتٸمدٸ باعامەن تاماقتانىپ, مٷمكٸن بولسا, شاڭعى تەبۋٸنە جاعداي جاسالۋى كەرەك”, – دەدٸ ول.
جۋرناليست ايلىق تابىسى 100 مىڭ تەڭگە شاماسىنداعى ادامدار, كٶپبالالى وتباسىلار نەمەسە نەسيەسٸ بار ازاماتتار ٷشٸن “شىمبۇلاقتا” دەمالۋ مٷمكٸن ەمەس ەكەنٸن اتاپ ٶتتٸ.
سونداي-اق ول كٶكجايلاۋ مەسەلەسٸنە دە توقتالىپ, بۇل ايماقتىڭ حالىق ٷشٸن قولجەتٸمدٸ دەمالىس ورنى بولىپ قالۋى ماڭىزدى ەكەنٸن ايتتى.
“كٶكجايلاۋ – ادامداردىڭ تەگٸن تاۋعا شىعىپ, دەمالاتىن جالعىز ورىندارىنىڭ بٸرٸ. ول بالالارعا, قارتتارعا, وتباسىلارعا ارنالعان دەمالىس ورنى. ەگەر ول دا كوممەرتسييالىق جوباعا اينالسا, قاراپايىم حالىق تاعى بٸر مٷمكٸندٸگٸنەن ايىرىلادى”, – دەدٸ سايا ماناربەكقىزى.
ول ەكٸ تاريفتٸك جٷيە ەنگٸزۋ مەسەلەسٸن تالقىلاۋعا شاقىرىپ, قوعام پٸكٸرٸنٸڭ ماڭىزدى ەكەنٸن اتاپ ٶتتٸ.
