سودان بەرٸ دوستىق ٷيٸندە ۇلتارالىق كەلٸسٸم ارتا تٷسٸپ, سالت-دەستٷر, حالىقتار مەدەنيەتٸ دامىدى. ەڭ باستىسى, ەربٸر ۇلت ٶكٸلٸنٸڭ بويىندا قازاقستاندىق پاتريوتيزم وياندى.
«اق نيەت» ۆوكالدىق ۇجىمىنىڭ قاتىسۋشىسى, مۇسىلمان ەيەلدەر بٸرلەستٸگٸنٸڭ مٷشەسٸ مايرا مۋرساليموۆانىڭ ايتۋىنشا, تۇڭعىش پرەزيدەنت كەلگەندە قولدانىسقا بەرٸلگەن دوستىق ٷيٸ اشىلعالى بەرٸ تاريحي مۇرالاردىڭ سانى ارتقان. ول ەلباسىمەن كەزدەسۋٸن ەرەكشە تولعانىسپەن ەسكە الادى.
ٶيتكەنٸ 1998 جىلى قازاقستان حالقى اسسامبلەياسىنىڭ باسشىسى ٶز قولىمەن ونىڭ نەمەرەسٸنٸڭ تۇساۋىن كەسكەن. قازٸر ول بالا ەر جەتٸپ, ەلٸمٸزدٸڭ بەلدٸ ازاماتىنا اينالدى. ونىڭ ەجەسٸ بۇل قۋانىشتى وقيعانى تاعدىردىڭ تارتۋى دەپ سانايدى.
شقو قحا قوعامدىق كەلٸسٸم كەڭەسٸنٸڭ تٶراعاسى, قازاقستان حالقى اسسامبلەياسىنىڭ مٷشەسٸ لەو شيك نۇرسۇلتان نازارباەۆپەن كەزدەسۋٸ مەڭگٸ جادىندا ساقتالاتىنىن اتاپ ايتتى.
– ۇلت كٶشباسشىسىنىڭ كەلۋٸ شىعىسقازاقستاندىقتار ٷشٸن ٷلكەن مەرەكە بولدى. ول دوستىق ٷيٸنٸڭ اشىلۋىندا ەربٸر قاتىسۋشىنىڭ جٷرەگٸنەن ورىن تابا بٸلەتٸن سٶزدەردٸ ايتتى. سٶز سوڭىندا تۇڭعىش پرەزيدەنت ەتنوس ارالىق تاتۋلىقتى ساقتاۋعا ٷلەس قوسقان بارلىق ازاماتتارعا العىسىن بٸلدٸردٸ, – دەدٸ لەو شيك.
«جاڭعىرۋ جولى» ٶڭٸرلٸك جاستار قوزعالىسىنىڭ كٶشباسشىسى, «ۆايناح» شەشەن-ينگۋش حورەوگرافييالىق انسامبلٸنٸڭ كٶركەمدٸك جەتەكشٸسٸ راۆيل يۋنۋسوۆتىڭ ايتۋىنشا, دوستىق ٷيٸ ونىڭ ٶمٸرٸندە ٷلكەن رٶل اتقارادى. ول مۇندا ەڭ العاش رەت لەزگينكا بيٸن ٷيرەنۋ ٷشٸن كەلٸپتٸ. ول نۇرسۇلتان نازارباەۆتىڭ كەلەر الدىندا, جاقسى ەسەر قالدىرۋ ٷشٸن ۇجىممەن بٸرلەسٸپ, كٶپ ساعاتتىق دايىندىق جٷرگٸزٸلگەنٸن ەسكە الادى. قازٸر راۆيل: «نازارباەۆ ماعان وتان ٷشٸن ەڭبەك ەتۋدٸ ٷيرەتتٸ. ۇلتارالىق تاتۋلىقتى ساقتاۋ ٷشٸن بەرەكە مەن بٸرلٸك كەرەك ەكەنٸن ۇعىندىردى» دەيدٸ.
