ەكىنشى دۇنيەجۇزىلىك سوعىسقا شىعىس قازاقستاننان 180 مىڭ سارباز اتتانسا، سولاردىڭ 83 مىڭى ۇيىنە جوق. ءيا، سوعىستىڭ جازىلماعان زاڭى بۇل. جۇزدەگەن، مىڭداعان وتباسىنىڭ شارپىپ ءوتتى وسىناۋ زۇلمات.
شىعىس قازاقستاننان مايدانعا اتتانعان جاۋىنگەرلەر ۇلى جەڭىسكە وراسان ۇلەس قوستى.
109 ادام كەڭەس وداعىنىڭ باتىرى اتاعىن الدى. 24 ادام داڭق وردەنىن يەلەندى. 9 مىڭعا تارتا جاۋىنگەر "ۇلى وتان سوعىسىنداعى ەرلىگى ءۇشىن" مەدالىمەن ماراپاتتالدى.
بۇگىنگى كۇنى وبلىستاعى 178 كوشە مەن 66 ەلدى-مەكەن شىعىستان شىققان كەڭەس وداعى باتىرلارىنىڭ اتىمەن اتالادى.
16 كوشە مەن 9 ەلدى-مەكەننىڭ اتى "داڭق" وردەنىنىڭ يەگەرلەرىنە بەرىلگەن.
بۇلاردىڭ اراسىندا – قاسىم قايسەنوۆ، فەدور كوكورين، ىزگۇتتى ايتىقوۆ، الەكسەي چەرنوۆ، ۆلاديمير مىزا، تولەگەن توقتاروۆ، ليەۆ روششين سياقتى اتى اڭىزعا اينالعان تۇلعالار بار.
بيىل ەكىنشى دۇنيەجۇزىلىك سوعىستىڭ اياقتالعانىنا 74 جىل تولدى. ۋاقىت العا وزعان سايىن وسىناۋ جەڭىسكە اتسالىسقان ارداگەرلەردىڭ قاتارى سەلدىرەپ كەلەدى.
بىلتىرعى جىلى ۇلى وتان سوعىسىنا قاتىسقان 240 ارداگەرلەردى قۇتتىقتاپ، سىي-قۇرمەت كورسەتكەن ەدىك. بيىل ولاردىڭ قاتارى 179 مايدانگەرگە دەيىن كەمىگەن ەكەن. ولاردىڭ 64ء-ى وسكەمەندە، 39-ى سەمەي قالاسىندا تۇرادى.
ارداگەرلەرىمىز شىعىس قازاقستان اۋماعىندا وتكىزىلەتىن كوپتەگەن ماڭىزدى ءىس-شارالاردىڭ قۇرمەتتى قوناعى. وتكەنسىز بولاشاق جوق، ەرلىك ەلدىڭ ەسىندە بولۋى ءتيىس. وتانىن جاۋدان قورعاعان جاۋجۇرەك ازاماتتاردىڭ الدىندا بۇگىنگى بۋىن ماڭگى باقي قارىزدار.
وسى ورايدا ەكىنشى دۇنيەجۇزىلىك سوعىستىڭ اياقتالعانىنا 74 جىل تولۋىنا وراي وبلىس باسشىلىعى سوعىس ارداگەرلەرىنە 301 ملن. تەڭگە كولەمىندە ماتەريالدىق كومەك كورسەتتى.
سوعىسقا قاتىسقان شىعىسقازاقستاندىق ءاربىر مايدانگەرگە 542 مىڭ 875 تەڭگە كولەمىندە وتەماقى تولەندى.
بۇدان بولەك وڭىردەگى ماراپاتى بار 576 تىل ەڭبەككەرلەرى سىي-سياپاتقا بولەنىپ، ولارعا 63 125 تەڭگە سىياقى بەرىلدى. تۇتاستاي العاندا اتالعان سانات بويىنشا ازاماتتارعا ماتەريالدىق كومەك كورسەتۋگە وبلىس بيۋدجەتىنەن 36،4 ملن. تەڭگە ءبولىندى.
ماراپاتى بولماسا دا وسىناۋ جەڭىسكە ۇلكەن ۇلەس قوسقان 16 مىڭ تىل ەڭبەككەرلەرى دە نازاردان قالىس قالعان جوق. ولارعا جالپى سوماسى 155،4 ملن تەڭگە ماتەريالدىق كومەك كورسەتىلدى.
شىعىسقازاقستاندىق ارداگەرلەردىڭ دەنساۋلىعى دا ءجىتى نازاردا، ولار ارنايى دەمالىس ورىندارىندا تەگىن دەمالۋى مۇمكىندىگىنە يە. بۇدان تىس ارداگەرلەر ارنايى الەۋمەتتىك قىزمەت كورسەتەتىن 8 ورتالىقتا دارىگەرلەرلىك-الەۋمەتتىك كومەك الىپ وتىر. جىل سايىن سوعىس ارداگەرلەرى مەن تىل ارداگەرلەرى "ۋبا" ساناتوريىندە ەمدىك كۋرستان وتەدى. بيىل بۇل جەرگە 69 تىل ەڭبەككەرى جولداما الىپ، كۇش-قۋات جيناپ قايتتى.
ارداگەرلەرگە جاسالار جاقسىلىق مۇنىمەن شەكتەلىپ قالماق ەمەس. وبلىس دەڭگەيىندە الداعى ۋاقىتتا وزگە دە ماڭىزدى جوبالار جۇزەگە اساتىن بولادى.
اياۋلىم شايماردان
شىعىس قازاقستان وبلىسى
