كوپ جىلدىق تاجىريبەگە سۇيەنە وتىرىپ، شىعىس قازاقستاندا ۇزىندىعى 256 شاقىرىم بولاتىن 130 قار باسىپ قالاتىن ۋچاسكەلەر كۇشەيتىلگەن باقىلاۋعا الىناتىن بولادى. زارداپ شەككەندەرگە كومەك كورسەتۋ ءۇشىن 10 جىلىتۋ پۋنكتى مەن 15 جول بويىنداعى بيزنەس نىسانىنىڭ جۇمىسى ۇيىمداستىرىلادى. ۇلان اۋدانى پريۆولنوە اۋىلىندا تاۋلىك بويى 1 تراسسالىق مەديسينالىق-قۇتقارۋ پۋنكتى جۇمىس ىستەيدى، دەپ حابارلايدى Dalanews.kz شقو تجد باسپا ءسوز قىزمەتىنە سىلتەمە جاساپ.
"جەرگىلىكتى اۋقىمداعى تج جويۋ جوسپارىنا سايكەس جەكە قۇرامنىڭ 1717 ادامى، 686 بىرلىك تەحنيكا جۇمىلدىرىلادى. ونىڭ ىشىندە 389 قار تازالاۋ تەحنيكاسى، 181 ينجەنەرلىك تەحنيكا، 30 ەۆاكۋاسيالىق تەحنيكا جانە 86 جوعارى ءوتىمدى تەحنيكا. جىل سايىنعى تاجىريبەنى ەسكەرە وتىرىپ، بۇل تەحنيكا "وسكەمەن – التاي – ۇلكەن نارىن – كاتونقاراعاي – راحمان قاينارلارى"، "وسكەمەن – شەمونايحا – رف شەكاراسى"، "وسكەمەن – سەمەي"، وبلىستىق ماڭىزى بار جولداردا: "وسكەمەن – تارعىن – سامار" جولداردا جۇمىس ىستەۋگە تارتىلادى.
وبلىس اۋماعىندا 497 كوشكىن تۇسەتىن ايماقتار بار. شق "قازسەلدەنقورعاۋ" مم فيليالى وبلىستىڭ قىزمەت كورسەتىلەتىن اۋداندارى بويىنشا قار كوشكىنى ءقاۋپى بار كەزەڭگە ۋاقتىلى دايىندىق ماقساتىندا قار كوشكىنى مارشرۋتتارىن ازىرلەدى. قار كوشكىنى ءقاۋپى بار كەزەڭ ىشىندە باقىلاۋشىلار اپتا سايىن قار كوشكىنى ءقاۋپى بار ۋچاسكەلەرگە جەرۇستى زەرتتەۋ جۇرگىزەدى جانە قاجەت بولعان جاعدايدا قار ماسساسىن ءتۇسىرۋدى جۇزەگە اسىرادى.
"سۋىق اۋا رايىنىڭ باستالۋ كەزەڭىندە ازاماتتارمەن ولاردىڭ ءجۇرىپ-تۇرۋ جولىندا بولاتىن جازاتايىم وقيعالار جيىلەپ بارادى. اۋا-رايىنىڭ ناشارلاۋىن بولجاۋ كەزىندە ءبىز "دارمەن" ءموبيلدى قوسىمشاسىندا SMS-تاراتۋ، تەلە-، راديوقابىلداۋ، ب ا ق، الەۋمەتتىك جەلىلەر ارقىلى داۋىلدى ەسكەرتۋلەردى حالىققا جەتكىزەمىز. داۋىل تۋرالى ەسكەرتۋلەردى جاريالاۋ كەزىندە الىس قاشىقتىققا بارۋدان باس تارتۋدى ۇسىنامىز. جۇرگىزۋشىلەر جولداردىڭ جاي-كۇيى تۋرالى اقپاراتتى قاداعالاپ وتىرۋى كەرەك"، - دەپ ءتۇسىندىردى شقو تجد باستىعىنىڭ ورىنباسارى قۋاتبەك كەنجەبەك ۇلى.
شقو تجد كوميسسيا قۇرامىندا "قازاۆتوجول" ۇك" اق شقوف، جاو، جپق وكىلدەرىنىڭ قاتىسۋىمەن "قازاقاۆتوجول" ج ش س وبلىستىق فيليالىنىڭ رەسپۋبليكالىق ماڭىزى بار اۆتوجولداردى قىس مەرزىمىنە دايىندىعىنا تەكسەرۋلەر جۇرگىزىلەدى، ناتيجەلەرى بويىنشا دايىندىق اكتىلەرىن جاسالىناتىن بولادى.
"قىس-2024" رەسپۋبليكالىق كوماندالىق-شتابتىق وقۋ-جاتتىعۋلارى شەڭبەرىندە وبلىستىق ازاماتتىق قورعاۋ قىزمەتتەرىن قىسقى كەزەڭنەن وتۋگە تەكسەرۋ جوسپارلانعان.
