بٷگٸن ٶسكەمەن قالاسىندا شىعىس قازاقستان وبلىسىنىڭ ينۆەستيتسييالىق ەلەۋەتٸ فورۋمى ٶز جۇمىسىن باستادى. الاڭ ٸرٸ, شاعىن جەنە ورتا بيزنەس ٶكٸلدەرٸن, حالىقارالىق ۇيىمدار مەن ديپلوماتييالىق كورپۋس مٷشەلەرٸن بٸرٸكتٸردٸ. فورۋمنىڭ اشىلۋىنا وبلىس ەكٸمٸ نۇرىمبەت ساقتاعانوۆ تٸكەلەي قاتىستى,- دەپ حابارلايدى Dalanews.kz
فورۋم ايماقتىڭ جاڭا جوبالار مەن ستراتەگييالىق ەرٸپتەستٸككە اشىق ەكەندٸگٸنٸڭ سيمۆولىنا اينالدى. شىعىس قازاقستان – بۇل جەردە ساپالى اگروٶندٸرٸس قۇرۋعا, تۋريزمدٸ, كٶلٸك-لوگيستيكا جەنە ٶنەركەسٸپ كلاستەرلەرٸن دامىتۋعا بارلىق مٷمكٸندٸك بار ەكەنٸن سەنٸمدٸ تٷردە كٶرسەتٸپ وتىر. سونىمەن قاتار, مۇنىڭ بەرٸن تۇراقتى ٶسٸمگە, ەكولوگييالىق تازالىققا جەنە ەكسپورتقا باعىتتالۋعا سٷيەنە وتىرىپ جٷزەگە اسىرۋ جولدارى ناقتى انىقتالعان.
فورۋمنىڭ ماڭىزدى قوناقتارىنىڭ قاتارىندا – كورەيا رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ چجو تە-يك, بەلارۋس رەسپۋبليكاسىنىڭ تٶتەنشە جەنە ٶكٸلەتتٸ ەلشٸسٸ الەكسەي بوگدانوۆ, ٶزبەكستان رەسپۋبليكاسىنىڭ تٶتەنشە جەنە ٶكٸلەتتٸ ەلشٸسٸ باحتييور يبراگيموۆ, قىرعىز رەسپۋبليكاسى تٶتەنشە جەنە ٶكٸلەتتٸ ەلشٸسٸ داستان ديۋشەكەەۆ بولدى.
سونىمەن قاتار, قىتاي, بەلگييا جەنە شۆەتسييا ەلدەرٸنٸڭ ديپلوماتييالىق ميسسييالارىنىڭ كەڭەسشٸلەرٸ مەن ٶكٸلدەرٸ, سونداي-اق دٷنيەجٷزٸلٸك بانك دەلەگاتتارى دا فورۋمعا قاتىستى.
فورۋمدى اشقان وبلىس ەكٸمٸ نۇرىمبەت ساقتاعانوۆ ايماقتىڭ قۋاتتى ٶنەركەسٸپتٸك, عىلىمي جەنە تابيعي ەلەۋەتكە يە ەكەنٸن, ەرٸ تۇراقتى دامۋ, تەحنولوگييالىق جاڭعىرۋ جەنە حالىقارالىق ىنتىماقتاستىقتى كەڭەيتۋ باعىتىندا جٷيەلٸ جۇمىس جٷرگٸزٸلٸپ جاتقانىن اتاپ ٶتتٸ:
«بٸز ٷشٸن دوستاس ەلدەردٸڭ ديپلوماتييالىق ميسسييا ٶكٸلدەرٸن قابىلداۋ – ٷلكەن مەرتەبە. شىعىس قازاقستان تابيعي رەسۋرستارعا باي, قورعاسىن, مىرىش, تيتان, التىن, كٷمٸس ٶندٸرۋدە كٶش باستاپ تۇر. بٸز تانتال ٶنٸمدەرٸن جەنە اتوم ەنەرگەتيكاسىنا ارنالعان بٸرەگەي ۋران وتىنىن شىعارامىز, سونداي-اق بەريلليي جەتكٸزۋدە ەلەم بويىنشا ٷزدٸك ٷشتٸككە كٸرەمٸز. بٷگٸندە ەرٸپتەستٸك جوعارى قوسىلعان قۇنى بار جوعارى تەحنولوگييالىق سالالارعا – ٶڭدەۋدەن باستاپ تەرەڭ يندۋسترييالاندىرۋعا دەيٸن باعىتتالىپ وتىر. بٸز قولايلى جەنە بولجامدى ٸسكەرلٸك ورتا قالىپتاستىرىپ, ينفراقۇرىلىمدى دامىتىپ, ەربٸر ينۆەستورعا جەكە كٶزقاراس ۇسىنامىز», – دەدٸ وبلىس باسشىسى.
پلەنارلىق سەسسييادا ايماق كەلبەتٸن تٷبەگەيلٸ ٶزگەرتٸپ, دامۋدىڭ قوزعاۋشى كٷشٸنە اينالۋعا قابٸلەتتٸ جوبالار تانىستىرىلدى:
•ٶسكەمەن قالاسىندا (سوگرا اۋدانى) گوللاند تەحنولوگيياسى بويىنشا 10 گەكتار جىلىجاي كەشەنٸن سالۋ. نەگٸزٸنەن قىزاناق ٶسٸرۋ, ەرٸ قاراي ەكسپورتتاۋ جوسپارلانعان.
•زايسان اۋدانىندا تالقان مەن تارى ٶندٸرۋ تسەحى – سالاۋاتتى تاماقتانۋ ترەندتەرٸنە باعىتتالعان. اۋدان قاجەتتٸ داقىلداردى ٶسٸرۋگە قولايلى اگروكليماتتىق جاعدايلارعا يە.
•ەت جەنە جۇمىرتقا باعىتىنداعى قۇس فابريكاسى – جىلىنا 122 ميلليون جۇمىرتقا مەن 260 توننا ەت. جوبانىڭ بارلىق نەگٸزٸ بار: جەمشٶپ بازاسى, الاڭ, لوگيستيكا جەنە مەملەكەتتٸك قولداۋ.
•ەكسپورتقا باعىتتالعان ەت كومبيناتى – اٶك سالاسىنداعى ٶڭدەۋدٸ دامىتۋ باستى باسىمدىقتاردىڭ بٸرٸ بولىپ وتىر.
•كۋرورتتىق ينفراقۇرىلىمدى دامىتۋ: ريددەردە SPA-ورتالىق, مارقاكٶلدە ساۋىقتىرۋ كەشەنٸ, كاتونقاراعايدا تاۋ شاڭعىسى كۋرورتى, ٶسكەمەندە قوناق ٷيلەر مەن اكۆاپاركتەر. بۇل جوبالار ەكوتۋريزم, دەنساۋلىق جەنە جوعارى ساپالى قىزمەتكە سۇرانىسقا ساي كەلەدٸ.
•قۇرىلىس سالاسىن دامىتۋ – كٸرپٸش, تەمٸر-بەتون بۇيىمدارى جەنە قۇرعاق قۇرىلىس قوسپالارى زاۋىتتارىن ٸسكە قوسۋ.
•قالدىقتارمەن كەشەندٸ جۇمىس: پلاستيك پەن ٶندٸرٸستٸك قالدىقتاردى ٶڭدەۋ كەسٸپورنى, قوقىس تٷسٸرۋ ستانتسييالارى.
•ينفراقۇرىلىمدىق جوبا – تۇعىل ٶزەنٸندە پورت سالۋ. بۇل كٶلٸك, لوگيستيكا جەنە ساۋدا ٷشٸن جاڭا مٷمكٸندٸكتەر اشادى.
ايماق ينۆەستورلارعا تەك يدەيالاردى عانا ەمەس, دايىن بازانى دا ۇسىنادى: جەر, رەسۋرستار, لوگيستيكا جەنە باسقارىلاتىن تەۋەكەلدەر. شىعىس قازاقستان ينۆەستيتسييا قابىلداۋعا عانا ەمەس, ەكٸ تاراپ ٷشٸن دە تيٸمدٸ ەرٸپتەستٸككە دايىن ەكەنٸن كٶرسەتٸپ وتىر.
فورۋم پانەلدٸك سەسسييالار سەريياسىمەن جالعاسادى, وندا ينۆەستورلار جوبالارعا قاتىسۋ شارتتارىن ەگجەي-تەگجەيلٸ تالقىلاي الادى.
