شالعاي اۋىلداردىڭ بٸرٸ – بار بولعانى 259 تۇرعىنى بار اسۋسايدا بٷگٸن جاڭا مەديتسينالىق پۋنكت ٸسكە قوسىلدى.
«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا تارباعاتاي اۋدانىندا اشىلعان بۇل پۋنكت اۋىل تۇرعىندارىنىڭ اۋدان ورتالىعىنا بارماي-اق ساپالى مەديتسينالىق كٶمەك الۋىنا مٷمكٸندٸك بەرەدٸ.
ايتا كەتۋ كەرەك, اسۋساي اۋىلىندا 1991 جىلدان بەرٸ ەلەۋمەتتٸك نىساندار سالىنباعان. بۇرىنعى جالعىز ەمدەۋ-پروفيلاكتيكالىق مەكەمە 1983 جىلى سالىنعان ەسكٸ عيماراتتا ورنالاسقان ەدٸ. ەندٸ بارلىق قاجەتتٸ ينجەنەرلٸك ينفراقۇرىلىمى تارتىلعان جاڭا مەديتسينالىق پۋنكت بوي كٶتەردٸ.
بۇل تيپتٸك مەديتسينالىق پۋنكتتٸڭ قۇرىلىسى 2024 جىلدىڭ مامىر ايىندا باستالىپ, KAZPROFSTROY HOLDING جشس مەردٸگەرلٸك ۇيىمى قۇرىلىس-مونتاج جۇمىستارىن تولىعىمەن اياقتادى.
جاڭا مەديتسينالىق پۋنكت قاجەتتٸ مەديتسينالىق قۇرال-جابدىقتارمەن جەنە جيھازبەن تولىقتاي قامتاماسىز ەتٸلگەن, بۇل اۋىل تۇرعىندارىنىڭ دەنساۋلىعىن نىعايتۋعا, ۋاقتىلى پروفيلاكتيكالىق جۇمىستار جٷرگٸزۋگە جەنە سكرينينگتٸك تەكسەرۋلەر ٶتكٸزۋگە مٷمكٸندٸك بەرەدٸ.
2023-2024 جىلدارى پيلوتتىق ۇلتتىق جوبا اياسىندا ٶڭٸردە 36 مەديتسينالىق نىساننىڭ (7 دەرٸگەرلٸك امبۋلاتورييا, 2 فەلدشەرلٸك-اكۋشەرلٸك پۋنكت, 27 مەديتسينالىق پۋنكت) قۇرىلىسى جوسپارلانعان.
ٶتكەن جىلدىڭ قورىتىندىسى بويىنشا 17 مەديتسينالىق پۋنكت پايدالانۋعا بەرٸلدٸ. سونىمەن قاتار تارباعاتاي اۋدانىنىڭ جامبىل جەنە بايتوعاس اۋىلدارىنداعى مەديتسينالىق پۋنكتتەر دە ٶز ەسٸكتەرٸن دٷيسەنبٸ كٷنٸ اشپاق.
