شىمكەنتتە جەكە ٷيدەن ٶرت شىعىپ سەگٸز بالانىڭ اناسى تٸرٸدەي جانىپ كەتكەن, دەپ حابارلايدى dalanews.kz stan.kz-كە سٸلتەپ.
قايعىلى جاعداي قالا ٸرگەسٸندەگٸ قايناربۇلاق شاعىناۋدانىندا بولعان. پەرزەنتتەرٸنٸڭ كٶز الدىندا وتقا ورانعان انانى امان الىپ قالۋ مٷمكٸن بولماعان. اۋرۋحانادا اجال قۇشقان ەيەل كٷيەۋٸمەن بٸرگە ٷيدە كٶرپە-تٶسەك تٸگٸپ, نەپاقا تاپقان.
جالىن ٸشٸنەن جٷگٸرٸپ شىققان ەيەلدٸڭ دەنەسٸنٸڭ 80 پايىزىن كٷيٸك شالعان. ال دالادا قالعان كٷيەۋٸ ونى قۇتقارامىن دەپ جالاڭ اياق وت كەشٸپ, ەيەلٸنە جٷگٸرە بەرگەنٸن ايتادى.
سەگٸز بالاسى بار بورانباەۆتار وتباسى كٶرپە-تٶسەك تٸگٸپ, نەپاقا تاۋىپ وتىرعان. ٷيدٸڭ اۋلاسىنان تسەح اشىپ, جۇمىس ٸستەگەن. كۋەگەرلەردٸڭ ايتۋىنشا, الدىمەن ماقتا ٶرتەنٸپ, ساناۋلى ساعاتتار ٸشٸندە باسپانانىڭ كٷللٸ كٶككە ۇشقان.
بٸر سەتتە جان-جارى, باسپاناسى مەن كەسٸبٸنەن ايىرىلعان ايدوس بورانباەۆ سەگٸز بالاسىمەن دالادا قالدى. ەكٸ اياعى كٷيٸپ, جٷرە الماي قالعان ول جەرگٸلٸكتٸ بيلٸكتەن كٶمەك سۇراپ وتىر.
