ۇجىمدىق ساقتاندىرۋ جۇيەسىنە كىرەتىن ەكىنشى دەڭگەيدەگى بانكتەردە جاتقان حالىقتىڭ سالىمدارىنىڭ كولەمى 2025 جىلعى قىركۇيەككە قاراي 26 ترلن تەڭگەگە جەتتى، ونىڭ 22،6 ترلن تەڭگەسى (+ 19،3%) مەرزىمدى سالىمداردى قۇرايدى. ونىڭ ىشىندە جىل بويىندا كولەمى 10،3%-عا وسكەن شەتەل ۆاليۋتاسىنداعى مەرزىمدى سالىمدارعا 4،8 ترلن تەڭگە تيەسىلى، دەپ حابارلايدى Dalanews.kz Ranking.kz-عا سىلتەمە جاساپ.
مەرزىمدى سالىمدار - دەپوزيتتىك بولشەك نارىقتىڭ تارتىمدى سەگمەنتى. مەرزىمدى ەمەس سالىمدار مەن اعىمداعى شوتتاردان ايىرماشىلىعى، حالىق وعان قاراجات جيناۋ ءۇشىن اقشا سالادى. ءوز كەزەگىندە، جەكە تۇلعالاردىڭ شەتەل ۆاليۋتاسىنداعى سالىمدارى مەرزىمدى سالىمدار نارىعىنىڭ 20%-دان استامىن تۇراقتى تۇردە قۇراپ، بەلگىلى ءبىر سۇرانىسقا يە. سەبەبى ادامدار اقشاسىن ءتيىمدى جيناقتاۋ ءۇشىن تەڭگەمەن قاتار، شەتەل ۆاليۋتاسىندا دا سالىمدارىنىڭ بولعانىن قالايدى.
قازاقستاننىڭ ءىرى بانكتەرى اراسىندا شەتەل ۆاليۋتاسىنداعى حالىقتىڭ مەرزىمدى سالىمدارىنىڭ جىلدىق ءوسىمى بويىنشا ءابسوليۋتتى كوشباسشى - Bank RBK بولىپ تابىلادى: +34،8%، 202،2 ملرد تەڭگەگە دەيىن. شەتەلدىك جانە ۇلتتىق ۆاليۋتاداعى مەرزىمدى سالىمداردىڭ جيىنتىق كولەمى اتالعان بانكتە 27،9%-عا، 538،9 ملرد تەڭگەگە دەيىن وسكەن. ءوز كەزەگىندە جەكە تۇلعالاردىڭ سالىمدارى ءبىر جىلدا 17،1%-عا، ياعني 609،9 ملرد تەڭگەگە دەيىن، ال حالىق پەن بيزنەستىڭ سالىمدارىن قامتيتىن جالپى دەپوزيتتىك كولەم 16%-عا، ياعني 1،5 ترلن تەڭگەگە دەيىن ۇلعايدى. ماسەلەن، Bank RBKء-تىڭ ارتىقشىلىعى سىياقىسىندا: كەڭىنەن قولدانىسقا يە ءبىر دەپوزيتىندەگى سىياقى مولشەرلەمەسى 10%-دان 17،5%-عا دەيىن (جتسم-10%-دان 18،3%-عا دەيىن) كوتەرىلگەن، سونداي-اق قىزمەت كورسەتكەنى ءۇشىن كوميسسيا المايدى.
ەدب اراسىندا شەتەل ۆاليۋتاسىنداعى حالىقتىڭ مەرزىمدى سالىمدارىنىڭ جىلدىق ءوسىمى بويىنشا ەكىنشى ورىندا Bereke Bank تۇر: +29،9%، 68،9 ملرد تەڭگەگە دەيىن. بانك سەنتركرەديت بۇل رەتتە ۇزدىك ۇشتىكتى تۇيىندەيدى: + 20،8%، 794،6 ملرد تەڭگەگە دەيىن.
ۇزدىك بەستىككە Freedom Bank (جىلىنا +16،8%) جانە Kaspi Bank (+16،2%) تە ەنەدى.
جالپى، سەكتورداعى الدىڭعى قاتارداعى ۇزدىك 10 بانكتە مەرزىمدى شەتەلدىك ۆاليۋتا سالىمدارى تۇرىندە جيىنتىعى 4،7 ترلن تەڭگە كولەمىندەگى اقشا (ءوسىم — جىلىنا 10،4%)، ال باسقا بانكتەردە 2،4 ملرد تەڭگە (+6%) جاتىر. ەكىنشى دەڭگەيدەگى بانكتەردەگى جالپى سالىمدار (تەڭگە جانە شەتەل ۆاليۋتاسىنداعى) كولەمى 2025 جىلدىڭ 1 قىركۇيەكتەگى جاعداي بويىنشا، 44،7 ترلن تەڭگەگە جەتىپ، ءبىر جىلدا 16،8%-عا وسكەن، ونىڭ ىشىندە جەكە تۇلعالاردىڭ سالىمدارى 58،4%-دى (نەمەسە 26،1 ترلن تەڭگە) قۇرايدى. بولشەك سالىمداردىڭ جالپى كولەمىنىڭ 99،7%-ى قازاقستاندىق دەپوزيتتەرگە كەپىلدىك بەرۋ قورىنىڭ (قدكبق) ۇجىمدىق ساقتاندىرۋ جۇيەسىنە كىرەتىن بانكتەردە ساقتالعان: بۇل جوعارىدا اتالعان 26 ترلن تەڭگە.
ەستەرىڭىزگە سالا كەتەيىك: قدكبق جيناق، مەرزىمدى جانە مەرزىمسىز سالىمدارعا ورنالاستىرىلعان اقشانىڭ ساقتالۋىنا كەپىلدىك بەرەدى.
تولەمدەردىڭ ەڭ جوعارى سوماسى:
- 5 ملن تەڭگە - شەتەل ۆاليۋتاسىنداعى دەپوزيتتەر بويىنشا؛
- 10 ملن تەڭگە — ۇلتتىق ۆاليۋتاداعى مەرزىمدى ەمەس جانە مەرزىمدى دەپوزيتتەر بويىنشا؛
- 20 ملن تەڭگە — ۇلتتىق ۆاليۋتاداعى جيناق سالىمدارى بويىنشا.
ەگەر ءبىر بانكتە تۇتىنۋشى بىرنەشە دەپوزيت اشسا، مىسالى، شەتەل جانە ۇلتتىق ۆاليۋتاداعى مەرزىمدى دەپوزيتتەر، وندا قدكبق كەپىلدىگىنىڭ ەڭ جوعارى جيىنتىق سوماسى 20 ملن تەڭگەنى قۇرايدى.
ايتا كەتسەك،2025 جىلعى 1 ناۋرىزداعى جاعداي بويىنشا قور 40 سالىمشىعا 60 ملن تەڭگەدەن استام وتەماقى تولەدى. بۇعان دەيىن ەلىمىزدە توعىز بانك جابىلعانى حابارلانعان.
