كۋەگەر نارگيز نيزامەتدينوۆا تٶبەلەس كەزٸندە كٶزٸمەن كٶرگەنٸن بايانداپ بەردٸ. ونىڭ ايتۋىنشا, بٸرەۋ "ات" دەگەن بۇيرىق بەرگەن, - دەپ حابارلايدى Dalanews.kz.
سوتتا كۋەگەر نارگيز نيزامەتدينوۆا دا سٶيلەدٸ. قايعىلى وقيعا كەزٸندە ول ٷيٸندە بولعان. ول باسقا كۋەگەرلەردٸڭ ايعاقتارىن راستادى.
نارگيزدٸڭ سٶزٸنشە, ايعايدان ويانعان. الدىمەن ول "بالام, بالام!" دەپ ايعايلاعان ەيەلدٸڭ داۋسىن ەستٸگەن. كەيٸن شەرزات جٷگٸرٸپ كەتكەن, ونىڭ ارتىنان اعاسى, اناسى جٷگٸرگەن.
"دٷكەننٸڭ ماڭىندا بٸر جٸگٸت تۇرىپ, "ات!" دەپ ايعايلادى. قارا تٷستٸ كيٸم كيگەن. ...اناسى ايعايلاپ, ۇلىن قورعاۋعا تىرىستى. الىستان باسىنان بٸرنەرسەمەن ۇرىپ جاتقانىن كٶردٸم", - دەدٸ كۋەگەر.
سوت وتىرىسىندا تالعار تۇرعىنى سەكەن ەكەجانوۆتان جاۋاپ الىندى, ونىڭ ٷيٸ "قاماجاي" دٷكەنٸنە قاراما-قارسى ورنالاسقان. كۋەگەردٸڭ ايتۋىنشا, ول ايىپتالۋشىلارمەن دە, مارقۇم شەرزاتپەن دە جەكە تانىس بولماعان, بٸراق ولاردى بۇرىن دٷكەننەن كٶرگەن. قايعىلى وقيعا كەزٸندە ەر ادام ٷيٸندە بولعان, كەيٸن وعاش دىبىستار ەستٸگەن.
"ەيەلدٸڭ "جەدەل جەردەم شاقىرىڭدار" دەگەن داۋسىن ەستٸدٸم", - دەدٸ ەكەجانوۆ.
ونىڭ ايتۋىنشا, دالاعا قاراعاندا, ون شاقتى ادامنان تۇراتىن توپتى بايقاعان. كۋەگەردٸڭ سٶزٸنشە, ولاردىڭ بٸرٸ ەكٸنشٸسٸن ۇرىپ جاتقان. ول: "جٸگٸتتەر, توقتاڭدار, ٶلتٸرەسٸڭدەر عوي" دەپ ايعايلاعان.
شەرزات بولاتتىڭ ٶلٸمٸ تۋرالى نە بەلگٸلٸ?
ەسكە سالايىق, بىلتىر تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم شەرزات بولات كٶز جۇمدى.
كەمەلەتكە تولماعان بالانى ٶلتٸرۋ دەرەگٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى. سونداي-اق, ولاردىڭ ٷيٸ ٶرتەنٸپ كەتتٸ.
كٶپ ۇزاماي, ياعني 9 جەلتوقساندا مارقۇم شەرزات بولاتتىڭ اعاسى نۇرعانات عايىپباەۆ اجال قۇشتى. پوليتسييا دەپارتامەنتٸ الدىن الا دەرەكتەر بويىنشا ول سۋيتسيد جاساعانىن مەلٸمدەدٸ. وعان دەلەل رەتٸندە پوليتسەيلەر نۇرعاناتتىڭ تۋىسىنا مەسسەندجەر ارقىلى جازعان حاتىن جارييا ەتتٸ.
ال مارقۇم شەرزاتتىڭ ەكەسٸ باۋىرى نۇرعانات عايىپباەۆتى جەر قوينىنا تاپسىرعانان كەيٸن بۇقارالىق اقپارات قۇرالدارىمەن كەزدەسۋدٸ تالاپ ەتٸپ, كٶشەگە شىقتى. الايدا اراعا ۇزاق ۋاقىت سالماي قارجاۋباي نۇرىموۆتى پوليتسييا قىزمەتكەرلەرٸ ۇستاپ ەكەتتٸ. ارتىنشا شەرزات بولاتتىڭ ەپكەسٸ قاماۋعا الىندى. كەيٸن قارجاۋباي نۇرىموۆ 15 تەۋلٸككە ەكٸمشٸلٸك قاماۋعا الىندى.
