Kýáger Nargiz Nizametdinova tóbeles kezinde kózimen kórgenin baiandap berdi. Onyń aitýynsha, bireý "at" degen buiryq bergen, - dep habarlaidy Dalanews.kz.
Sotta kýáger Nargiz Nizametdinova da sóiledi. Qaiǵyly oqiǵa kezinde ol úiinde bolǵan. Ol basqa kýágerlerdiń aiǵaqtaryn rastady.
Nargizdiń sózinshe, aiǵaidan oianǵan. Aldymen ol "Balam, balam!" dep aiǵailaǵan áieldiń daýsyn estigen. Keiin Sherzat júgirip ketken, onyń artynan aǵasy, anasy júgirgen.
"Dúkenniń mańynda bir jigit turyp, "At!" dep aiǵailady. Qara tústi kiim kigen. ...Anasy aiǵailap, ulyn qorǵaýǵa tyrysty. Alystan basynan birnársemen uryp jatqanyn kórdim", - dedi kýáger.
Sot otyrysynda Talǵar turǵyny Sáken Ákejanovtan jaýap alyndy, onyń úii "Qamajai" dúkenine qarama-qarsy ornalasqan. Kýágerdiń aitýynsha, ol aiyptalýshylarmen de, marqum Sherzatpen de jeke tanys bolmaǵan, biraq olardy buryn dúkennen kórgen. Qaiǵyly oqiǵa kezinde er adam úiinde bolǵan, keiin oǵash dybystar estigen.
"Áieldiń "jedel járdem shaqyryńdar" degen daýsyn estidim", - dedi Ákejanov.
Onyń aitýynsha, dalaǵa qaraǵanda, on shaqty adamnan turatyn topty baiqaǵan. Kýágerdiń sózinshe, olardyń biri ekinshisin uryp jatqan. Ol: "Jigitter, toqtańdar, óltiresińder ǵoi" dep aiǵailaǵan.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
