استانا حالقى 1999 جىلعى بٷكٸل رەسپۋبليكانى شارپىعان «شەگٸرتكە شاپقىنشىلىعى» كەزٸندە تەۋلٸگٸنە 500 شاقىرىم جەرگە دەيٸن الاتىن بۇل جەندٸكتٸڭ ەلوردامىزدى دا باسىپ العانىن ۇمىتا قويعان جوق بولار. سول كٷندەرٸ ونىڭ جەنٸبەك كەرٸپجانوۆتى «اۋىل شارۋاشىلىق مينيسترٸ» دەگەن بيٸك لاۋازىمىمەن قوشتاسۋعا مەجبٷر ەتكەنٸ دە ەسٸمٸزدە…
سول شەگٸرتكە بيىل تاعى وڭتٷستٸك قازاقستان وبلىسىنا سۋ تاسقىنىنان دا جامان اپات بولىپ تۇر. سارىاعاش, شاردارا, ارىس اۋدانىنان حابارلاسقان ەل ازاماتتارى نە دەيدٸ: «شەگٸرتكە ەگٸندٸ باۋداي تٷسٸرٸپ بارادى. ٶتكەن جىلى بٸزدٸڭ دەپۋتاتىمىز امانكەلدٸ سوپبەكوۆ (وبلىستىق مەسليحاتقا ەكٸ رەت سارىاعاشتان, بٸر رەت شاردارا اۋدانىنان سايلانعان دەپۋتات – اۆتور) «شەگٸرتكەگە جەم بولمايىق!» دەپ شىرىلداعان بولاتىن. بٸراق, سول كەزدەگٸ وبلىس باسشىلىعى دەرەۋ قولداۋ كٶرسەتۋ ورنىنا جينالىستاعى كٶپشٸلٸك الدىندا: «سەن بەكەرگە ەلگە ٷرەي تۋعىزبا, ەشقانداي دا شەگٸرتكەدەن تٶنٸپ تۇرعان قاتەر جوق!» دەپ ۇرسىپ, باسىپ تاستاعان ەدٸ. 2008 جىلى دا امانكەلدٸ سوپبەكوۆ شەگٸرتكەنٸ ايتامىن, جۋرناليستەردٸ شاقىرامىن دەپ, باسشىلاردان تاياق جەگەن بولاتىن…
بىلتىر قانشا ديحان ەگٸنٸنەن ايرىلدى! قانشا جەكە شارۋا بانكتەن العان قارىزىن ٶتەي الماي قالدى. ال, بيىلعى جاعداي ودان دا جامان. ٶيتكەنٸ, بىلتىر جاز جاۋىندى بولىپ, شٶپ ٶتە قالىڭ شىقتى-داعى, شەگٸرتكە تۇقىمىن كٶپ جەرگە تاستادى. ەندٸ بيىل دالانى قويىپ, اۋىلعا كٸرٸپ جاتىر. بٸراق, «شەگٸرتكە شابۋىلعا شىعادى!» دەپ شىرىلداپ جٷرگەن دەپۋتاتتاردى كٶرمەيمٸز. ال, بٸز سايلاعان حالىق قالاۋلىسى جالامەن سوتتالىپ, ٷيٸندە جۇمىسسىز وتىر ەكەن…
بٸز ونىڭ قانداي ايىپ, كٷنەسٸ بارىن بٸلمەيمٸز, بٸراق, قارتتار ٷيٸ مەن بالالار ٷيٸن ەكٸ جىل ەتپەن قامتاماسىز ەتكەن, سارىاعاش اۋداندىق ارداگەرلەر كەڭەسٸنە اۋدي-6 اۆتوكٶلٸگٸن ساتىپ ەپەرگەن, جەتٸم-جەسٸردٸڭ قولىن قايتارماي, كٶمەك كٶرسەتٸپ جٷرگەن, سارىاعاش اۋدانىنداعى «ىنتىماق» اۋىلىندا بۇزاقى تەجٸك ٶلتٸرگەن قازاق جٸگٸتتٸڭ وتباسىنا قول ۇشىن سوزعان, ونىڭ جەتٸ كٷندٸك, قىرىقكٷندٸك, جىلدىق اسىن كٶتەرگەن, دەپۋتات رەتٸندە «ىنتىماقتا» ىنتىماق, بٸرلٸك بولسىن دەپ بٸر اي بٸتٸمگەرشٸلٸكتە جٷرگەن, بىلتىر اقتٶبەدە ەسكەري بورىشىن ٶتەپ جٷرٸپ قايعىلى قازاعا ۇشىراعان شاردارالىق سولدات جٸگٸتتٸڭ دە وتباسىنا (2016 جىلى شاردارا اۋدانىنان سايلانعان دەپۋتات رەتٸندە) جەردەم بەرگەن, ەلگە ٶتە كٶپ قايىرىمدىلىق كٶرسەتٸپ جٷرگەن جان ەكەنٸن جاقسى بٸلەمٸز. بٸر مەشٸت سالعان, 34 مەشٸتتٸ جٶندەۋدەن ٶتكٸزٸپ بەرگەن جانى ٸزگٸ جاننىڭ ٸسٸنٸڭ اق-قاراسى انىقتالسا ەكەن, ەدٸلەتسٸزدٸككە جول بەرٸلمەسە ەكەن. بٸزدٸڭ وسى ٶتٸنٸشٸمٸز قر جوعارعى سوتىنىڭ تٶراعاسى قايرات مەمي مىرزا مەن قر باس پروكۋرورى جاقىپ اسانوۆ مىرزالاردىڭ قۇلاعىنا شالىنسا ەكەن دەيمٸز» دەيدٸ مارات بەكشوراەۆ, ەبۋتەلٸپ سايماحانوۆ, تۇردالى ەسكەروۆ سەكٸلدٸ اۋىلداعى ەل اعالارى.
شىنىندا دا, امانگەلدٸ سوپبەكوۆ 2015 جىلى ۇلتتىق «التىن جٷرەك» سىيلىعىنىڭ «جىلدىڭ قايىرىمدى ادامى» نومينانتى. سودان بەرٸ ونى جاقسى بٸلەتٸندەر «التىن جٷرەك امانگەلدٸ» دەپ اتايدى. ونىڭ قايىرىمدىلىق ٸس-شارالارىنىڭ شەت-جاعاسىن عانا اتاپ ٶتەر بولساق, ولار:
-2006 جىلى كەلەستەگٸ سۋ تاسقىنى كەزدە بٸر اۋىلعا 2 كاماز ۇن تارقاتىپ, نانمەن قاماتاماسىز ەتكەن;
– مەكتەپ سالعان;
-وقو ماقتاارال اۋدانىندا 3 كٶپٸر سالعان;
-داربازا اۋلىنا اۋىز سۋ كٸرگٸزۋگە 2,5 ملن.تەڭگە بٶلگەن;
-2010 جىلى شقو, تارباعاتاي اۋدانىنىڭ تاسقىننان زارداپ شەككەن 500 ٷيٸنە ۇن مەن ازىق-تٷلٸك جەتكٸزٸپ بەرگەن;
-ارىس قالاسىنىڭ № 1 تەجٸباەۆ اتىنداعى بالالار ٷيٸنە 2010 جىلى 50 قوي, 2014 جىلى رامازان ايىندا وبلىسىمىزدىڭ 16 مەشٸتٸنە 5 قويدان 80 قوي بەرگەن, ت.ت.
شاردارالىق ازاماتتار سىردارييانىڭ سول جاعىنداعى ەگٸستٸك جەرلەردە شەگٸرتكەگە قارسى ناقتى كٷرەس جٷرگٸزٸلگەنٸن, بٸراق, الداعى بٸر-ەكٸ اپتادا سارىاعاش اۋدانىنا قارايتىن بوزاي اۋىل وكرۋگٸ اۋماعىنان, سونداي-اق ارىس اۋدانى جاعىنان شەگٸرتكە شابۋىلىنا ۇشىرايمىز با دەپ الاڭداپ وتىرعانىن جاسىرعان جوق. ال, بوزاي, جامبىل, ەلٸمتاۋ اۋىل وكرۋگٸندەگٸلەر شەگٸرتكەنٸڭ شىنداپ جەتٸلٸپ ۇشۋى ەلٸ الدا, مامىردىڭ 25-ٸنەن كەيٸن باستالاتىنىن ايتادى. «قىستان امان شىققان شەگٸرتكەلەر سانى جىلداعىدان 3-4 ەسە كٶپ. ونىڭ قالىڭ سەپكەن تۇقىمى قايتا-قايتا باس كٶتەرەتٸندٸكتەن, بىلتىر از قارجىمەن بەتٸن قايتارۋعا بولاتىن جاۋعا بيىل سونشا ەسە ارتىق شىعىن جۇمسالىپ جاتىر. كٷن ەلٸ قاتتى ىسىعان جوق, قاتتى ىسىعان كەزدە ونىڭ بەرٸ دٷر ەتٸپ كٶتەرٸلەدٸ» دەيدٸ ماماندار.
ال, ارىس اۋدانىنداعى ديحانداردىڭ احۋالى قانداي ەكەنٸن تٸلمەن ايتىپ جەتكٸزۋ قيىن. ونى تەك مىنا بەينەتٷسٸرٸلٸمدەردٸ كٶرگەن ادامدار عانا شىن سەزٸنە الۋى مٷمكٸن…
بٷگٸنگٸدەي بەيقامدىق استانا حالقىن تاعى دا شەگٸرتكەگە تالاتۋى ەبدەن مٷمكٸن. 25 كٷننەن كەيٸن سەن-سالتاناتپەن اشىلاتىن ەكسپو-2017-گە شەتەلدٸك مەرتەبەلٸ قوناقتارمەن بٸرگە شەگٸرتكە دە قاپتاپ كٸرٸپ جاتسا تاڭعالماڭىز. سەبەبٸ, «جاۋدى كٶرمەي تۇرىپ قورىق» دەپ الدىن-الا دابىل قاعاتىن ەلدٸڭ جاناشىر ازاماتتارى ٷيقاماقتا وتىر.
شەگٸرتكەگە شەكارا جوق..
شۋاق ايبالتاۇلى,
