بٷگٸن ٷكٸمەتتٸڭ جانىنان قۇرىلعان جەر كوميسسيياسىنىڭ ٷشٸنشٸ وتىرىسى ٶتٸپ, ولار جەردٸ شەتەلدٸكتەرگە جالعا بەرۋ-بەرمەۋ مەسەلەسٸن تالقىعا سالدى. اقپاراتتارعا قاراعاندا, كوميسسييا مٷشەلەرٸ ٶز پٸكٸرلەرٸندە قالعان. بٸرٸنشٸ وتىرىسىندا جەردٸ ساتۋ مەن شەتەلدٸكتەرگە جالعا بەرۋ مەسەلەسٸن داۋىسقا سالعاندا 70 ادامنىڭ 11-ٸ عانا قارسى داۋىس بەرگەنٸن بٸلەمٸز. قازٸر سول 11 ادامنىڭ ٸشٸندەگٸ ەڭ بەلسەندٸسٸ, «الاش جولى» قوزعالىسىنىڭ مٷشەسٸ ماقسات ٸليياسۇلى قاماۋدا وتىر. قالعان 10 ادامنىڭ قانشاۋى سٶزٸنەن تايقىپ, رايىنان قايتقانىن بٸز بٸلمەيمٸز.
وسى 10 ادامنىڭ ٸشٸندە قوعام قايراتكەرٸ, اقىن مۇحتار شاحانوۆ بار بولۋعا تيٸس. كوميسسييا تٶراعاسى باقىتجان ساعىنتاەۆتىڭ پٸكٸرٸنە جٷگٸنەر بولساق, بۇل كوميسسييا ەشتەڭەنٸ شەشپەيدٸ. تەك تالقىلاۋ, ەلدٸڭ سٶزٸن تىڭداۋمەن جەنە سودان شىققان قورىتىندىنى پارلامەنتكە ۇسىنۋعا قاۋقارلى. نەگٸزگٸ تٷيٸندٸ پارلامەنت قويادى. دۇرىس دەلٸك. سٶز اۋاندارىنا قاراعاندا, كوميسسييا داۋىس بەرۋ ارقىلى جەردٸڭ ساتىلۋ جەنە شەتەلدٸكتەرگە جالعا بەرٸلۋٸنە, ودان باسقا دا كٶپتەگەن سۇراقتارعا جاۋاپ بەرمەك. بٸزدٸڭشە, كوميسسييانىڭ نەگٸزگٸ قۇرامى بيلٸك ٶكٸلدەرٸ بولعاندىقتان, ولار بەرٸبٸر جەردٸ ساتۋعا جەنە جالعا بەرۋگە مٷددەلٸلٸك تانىتادى.
بۇعان قازٸردٸڭ ٶزٸندە وبلىستاردى ارالاپ, حالىقپەن كەزدەسۋ ٶتكٸزٸپ جٷرگەن كوميسسييا مٷشەلەرٸنٸڭ ايتقان سٶزدەرٸ دەلەل. كٷنٸ كەشە قىزىلوردا وبلىسىنا بارعان كوميسسييا مٷشەلەرٸ جەردٸ ساتۋدى ەرٸ جالعا بەرۋدٸ قولدايتىنىن اشىق ايتقانىن «ازاتتىق» سايتى جارييالادى.
دەمەك, ەندٸ نەگٸزگٸ كٷش كوميسسييا قۇرامىنداعى مۇحتار شاحانوۆ, مۇحتار تايجان, جانۇزاق ەكٸم, ايدوس سارىم, دوس كٶشٸم سەكٸلدٸ ازاماتتارعا تٷسەدٸ جەنە ولاردىڭ تاباندىلىعى اۋاداي قاجەت. ەگەر ولار سٶزٸنەن تايقىسا, حالىقتىڭ تٸلەگٸن ەمەس, بيلٸكتٸڭ ۋەجٸنە يەك سٷيەسە, وندا تاريح الدىندا دا, حالىق الدىندا دا اقتالا المايدى.
ەسٸرەسە, جۇرتشىلىق, قاراپايىم اۋىل تۇرعىندارى شاحانوۆقا ٶلەردەي سەنەدٸ. ول كٸسٸنٸڭ دەل وسى جولى تاباندىلىق تانىتارىنا سەنٸمدەرٸ مول.
ەگەر بۇرىنعى ۇرانشىلدىعىمەن كەتٸپ, سوڭىنا دەيٸن كٷرەسە الماسا, جەردٸ شەتەلدٸكتەرگە جالعا بەرۋگە مٷلدەم قارسى بولىپ, ٶز پوزيتسيياسىندا تۇرا الماسا, قالايدا قازاق جەرٸن كەلٸمسەكتەردٸڭ قولىنا بەرمەۋ ٷشٸن كٷرەسپەسە, وندا قاراپايىم حالىق باسقادان بۇرىن, شاحانوۆتى كەشٸرە الماسى انىق.
بٸز ارال, جەلتوقسان, تٸل مەسەلەسٸندەگٸ شاحانوۆتى ەمەس, جەر مەسەلەسٸندەگٸ شاحانوۆتىڭ باتىلدىعىن; ايعايشىلدىعىن ەمەس, تاباندىلىعىن, كوميسسييا وتىرىستارىنداعى پوپۋليستٸگٸن ەمەس, شىنايى ٶتكٸر مٸنەزدٸلٸگٸن كٶرگٸمٸز كەلەدٸ. بٸر-اق جول بار: جەردٸ شەتەلدٸكتەرگە ساتۋعا بولمايدى. ەلدٸڭ ويى – وسى!
ەگەر, الدا-جالدا شاحانوۆ جالت بەرەر بولسا, وندا ونى بٸزدٸڭ حالىق, مىنا بٸز ەشقاشان كەشٸرمەيمٸز. سەبەبٸ, بيلٸك رايىنان قايتار ەمەس. ولاردىڭ بار ويى جەردٸ ساتۋ جەنە جالعا بەرۋ. شاحانوۆ سەكٸلدٸ جۇرتتى سوڭىنان ەرتە الاتىن ادامدار وسىندايدا قولىنان كەلگەننٸڭ بەرٸن جاساۋى كەرەك.
شاحانوۆ مىرزا, سٸز تاريح الدىنداعى سىن ساعاتتا تۇرسىز! بۇل سىن ساعات بۇرىنعىسىنان بٶلەك! قازاق بولۋ مەن بورداي توزۋدىڭ شەگٸندە تۇر. بٸز سٸزگە سەنەمٸز! سەنٸمٸمٸزدٸ اقتايدى دەگەن ٷمٸتتەمٸز.
قۇرمەتپەن تٸلەۋبەك وسپان, زەينەتكەر.
