ونىڭ ايتۋىنشا، وتكەن جىلى وبلىستىق بيۋدجەتتەن 258،8 ملن تەڭگە قارجى ءبولىنىپ، №18 شاردارا گاز تاراتۋ ستانساسىنىڭ قۇرىلىسى باستالعان. نىسان قۇرىلىسىن 2018 جىلى اياقتاۋ كوزدەلىپ، بۇل جۇمىستارعا 771،6 ملن.تەڭگە بولىنگەن. الداعى ۋاقىتتا وسى جوبا ناتيجەسىندە شاردارا قالاسى مەن وعان ىرگەلەس 11 ەلدى مەكەن، ياعني، اۋدان تۇرعىندارىنىڭ 55،7 پايىزى تابيعي گازبەن قامتىلماق.
– وتكەن جىلى شاردارالىقتار ءۇشىن تابىستى بولدى دەپ ايتۋعا تولىقتاي نەگىز بار. اسىرەسە، گازداندىرۋ جۇمىسىنىڭ باستالعانى وسى جىلدىڭ ۇلكەن جەمىسى، ءارى حالىقتىڭ قۋانىشى بولماق. بيىلعى جىلى شاردارا قالاسىنىڭ ىشكى گاز جۇيەسىنىڭ قۇرىلىسى باستالىپ، بۇل شارۋا كەزەڭ-كەزەڭىمەن جۇزەگە اسادى. سونىمەن قاتار قىزىلقۇم، سۇتكەنت، اقالتىن، ەگىزقۇم، دوستىق ەلدى مەكەندەرىنىڭ ىشكى گاز جۇيەلەرى قۇرىلىسىنىڭ جسق-سى ازىرلەنىپ، مەملەكەتتىك ساراپتامانىڭ قورىتىندىسى الىندى. بيىلعى جىلى بۇل جوبانىڭ دا قۇرىلىس جۇمىستارى جۇرگىزىلەدى. سونىڭ ناتيجەسىندە اۋدان تۇرعىندارىنىڭ تاعى دا 40،6 پايىزى تابيعي گازبەن قامتىلاتىن بولادى، – دەدى بولاتبەك قىستاۋوۆ.
بۇدان بولەك، ەسەپتى كەزدەسۋدە اكىم وبلىستىق بيۋدجەت ەسەبىنەن اۋداندا ءتورت قاباتتى 40 پاتەرلى ەكى تۇرعىن ءۇيدىڭ قۇرىلىسى جۇرگىزىلەتىنىن جانە تۇرعىنداردى تازا اۋىز سۋمەن قامتۋ بويىنشا جاۋشىقۇم اۋىلدىق وكرۋگىندە اۋىز سۋ جۇيەلەرىنىڭ قۇرىلىسى قولعا الىنعانىن ايتتى. ءدال وسىنداي باعىتتا قىزىلقۇم اۋىلىنىڭ باس سۋ تورابىنىڭ قۇرىلىسىنا جسق ازىرلەۋ ءۇشىن، اق التىن اۋىلىنداعى اۋىز سۋ تورابىن ىسكە قوسۋ ءۇشىن اۋداندىق بيۋدجەتتەن قارجى قارالىپ وتىر.
وقو اكىمىنىڭ باسپا ءسوز قىزمەتى
https://dalanews.kz/33541
