Shardaralyqtardyń 55 paiyzy tabiǵi gazben qamtylady
Biyl Shardara aýdanynyń turǵyndarynyń 55 paiyzy tabiǵi gazben qamtylatynyn aýdan ákimi Bolatbek Qystaýov 2017 jyly atqarylǵan jumystary boiynsha halyq aldynda bergen esepti jiynynda málim etti.
Onyń aitýynsha, ótken jyly oblystyq biýdjetten 258,8 mln teńge qarjy bólinip, №18 Shardara gaz taratý stansasynyń qurylysy bastalǵan. Nysan qurylysyn 2018 jyly aiaqtaý kózdelip, bul jumystarǵa 771,6 mln.teńge bólingen. Aldaǵy ýaqytta osy joba nátijesinde Shardara qalasy men oǵan irgeles 11 eldi meken, iaǵni, aýdan turǵyndarynyń 55,7 paiyzy tabiǵi gazben qamtylmaq.
– Ótken jyly shardaralyqtar úshin tabysty boldy dep aitýǵa tolyqtai negiz bar. Ásirese, gazdandyrý jumysynyń bastalǵany osy jyldyń úlken jemisi, ári halyqtyń qýanyshy bolmaq. Biylǵy jyly Shardara qalasynyń ishki gaz júiesiniń qurylysy bastalyp, bul sharýa kezeń-kezeńimen júzege asady. Sonymen qatar Qyzylqum, Sútkent, Aqaltyn, Egizqum, Dostyq eldi mekenderiniń ishki gaz júieleri qurylysynyń JSQ-sy ázirlenip, memlekettik saraptamanyń qorytyndysy alyndy. Biylǵy jyly bul jobanyń da qurylys jumystary júrgiziledi. Sonyń nátijesinde aýdan turǵyndarynyń taǵy da 40,6 paiyzy tabiǵi gazben qamtylatyn bolady, – dedi Bolatbek Qystaýov.
Budan bólek, esepti kezdesýde ákim oblystyq biýdjet esebinen aýdanda tórt qabatty 40 páterli eki turǵyn úidiń qurylysy júrgiziletinin jáne turǵyndardy taza aýyz sýmen qamtý boiynsha Jaýshyqum aýyldyq okrýginde aýyz sý júieleriniń qurylysy qolǵa alynǵanyn aitty. Dál osyndai baǵytta Qyzylqum aýylynyń bas sý torabynyń qurylysyna JSQ ázirleý úshin, Aq altyn aýylyndaǵy aýyz sý torabyn iske qosý úshin aýdandyq biýdjetten qarjy qaralyp otyr.
OQO ákiminiń baspasóz qyzmeti
https://dalanews.kz/33541
