الماتى قالاسىنداعى وبسەرۆاتورييادا ورنالاسقان تەلەسكوپتىڭ كٶمەگٸمەن اشىلعان 67ر/چۋريۋموۆا-گەراسيمەنكو كومەتاسىن جان-جاقتى زەرتتەگەن ەۋروپانىڭ عارىش اگەنتتٸگٸ (ESA) ونىڭ ٸشٸندەگٸ ٷلكەن كەۋەكتەر شاڭ-توزاڭعا تولى ەكەنٸن مەلٸمدەدٸ.
وسىلايشا مامانداردىڭ ٷلكەن كەۋەكتەردە پايدالى مينەرالدار بولۋى مٷمكٸن دەگەن ٷمٸتٸ اقتالمادى. عالىمدار كومەتانى زەرتتەگەندە, ونىڭ كەدۋٸلگٸ پييازعا ۇقساس بٸرنەشە قاباتى بار ەكەنٸن انىقتاعان. ەر قابات بٸر-بٸرٸنە مٷلدە ۇقسامايتىن كٶرٸنەدٸ. كومەتا ٷلكەن كٶرٸنگەنٸمەن, ونىڭ ٸشٸ كەۋەك قۋىسقا تولى بولىپ شىقتى.
اسپان دەنەسٸن Rosetta قۇرىلعىسىمەن زەرتتەگەن عالىمدار كومەتاداعى كەيبٸر قۋىستاردىڭ ۇزىندىعى 100 مەترگە دەيٸن جەتەتٸنٸنە كٶز جەتكٸزگەن. و باستا عالىمدار كەۋەك قۋىستاردا تٷرلٸ مينەرالدار تٷزٸلۋٸ مٷمكٸن دەپ بايلام جاساعان ەدٸ. ٶكٸنٸشكە قاراي, قۋىستاردا شاڭ-توزاڭنان باسقا ەشتەڭە جوق بولىپ شىقتى. سونداي-اق, استرونوم عالىمدار كومەتانىڭ 25 پايىزىن مۇز بولىپ قاتىپ قالعان سۇيىقتىق قۇرايتىنىن دا العا تارتتى.
