Almaty qalasyndaǵy observatoriiada ornalasqan teleskoptyń kómegimen ashylǵan 67R/Chýriýmova-Gerasimenko kometasyn jan-jaqty zerttegen Eýropanyń ǵarysh agenttigi (ESA) onyń ishindegi úlken keýekter shań-tozańǵa toly ekenin málimdedi.
Osylaisha mamandardyń úlken keýekterde paidaly mineraldar bolýy múmkin degen úmiti aqtalmady. Ǵalymdar kometany zerttegende, onyń kádýilgi piiazǵa uqsas birneshe qabaty bar ekenin anyqtaǵan. Ár qabat bir-birine múlde uqsamaityn kórinedi. Kometa úlken kóringenimen, onyń ishi keýek qýysqa toly bolyp shyqty.
Aspan denesin Rosetta qurylǵysymen zerttegen ǵalymdar kometadaǵy keibir qýystardyń uzyndyǵy 100 metrge deiin jetetinine kóz jetkizgen. O basta ǵalymdar keýek qýystarda túrli mineraldar túzilýi múmkin dep bailam jasaǵan edi. Ókinishke qarai, qýystarda shań-tozańnan basqa eshteńe joq bolyp shyqty. Sondai-aq, astronom ǵalymdar kometanyń 25 paiyzyn muz bolyp qatyp qalǵan suiyqtyq quraitynyn da alǵa tartty.
