قازاقستان الداعى 5-10 جىل ىشىندە مۇحيتتىڭ ارعى جاعىنا كەدەرگىسىز جەتۋدى جوسپارلاپ وتىر. وندا دا مۇنى تەمىر جولدىڭ كومەگىمەن جۇزەگە اسىرماق. مۇنداي باتىل جوسپارلار جايلى ەل ۆيسە-پرەمەرى سەرىك جۇمانعارين KGF-2025 فورۋمىندا ايتتى، دەپ حابارلايدى Dalanews.kz LS باسىلىمىنا سىلتەمە جاساپ.
ول قازاقستاننىڭ تۇركىمەنستان ارقىلى وتەتىن وسىنداي مارشرۋتى بار ەكەنىن، ءبىراق يراننىڭ تەمىرجول ينفراقۇرىلىمىنىڭ مۇشكىل كۇيى مەن سانكسيالار وعان كەدەرگى كەلتىرىپ وتىرعانىن باسا اتاپ ءوتتى.
سوندىقتان سەرىك جۇمانعارين قازاقستاننىڭ اۋعانستان ارقىلى پاكىستاننىڭ تەڭىز پورتتارىنا سالىناتىن جولعا ءباس تىگىپ وتىرعانىن جەتكىزدى.
شەندى مۇحيتقا جول بولمايىنشا، كولىك جانە مۋلتيمودالدىق لوگيستيكانىڭ شەكتەۋلىلىگىنە بايلانىستى ەلدىڭ ترانزيتتىك دامۋىنىڭ كەز-كەلگەن جوسپارىنا كۇمان كەلتىرۋگە بولادى دەپ سانايدى.
ايتا كەتسەك، 2025 جىلى 11 شىلدەدە قازاقستاننىڭ اۋعانستانداعى تەمىر جول قۇرىلىسىنا جارتى ميلليارد دوللار ينۆەستيسيا قۇيعانى بەلگىلى بولدى.
ءبىرىنشى كەزەڭدە تۇركىمەنستان مەن اۋعانستان – تۋرۋگۋندي اراسىنداعى شەكارا ستانسياسىنان اۋعانستاننىڭ گەرات قالاسىنا دەيىن تەمىرجول جەلىسى سالىنادى.
"ءارى قاراي جولدى گەراتقا دەيىن اپاراتىن قۇرىلىس كومپانياسىنا كوبىرەك ستەيكحولدەرلەر تارتىلادى. ءبىز ولارعا جاڭا قارجىلاندىرۋ كوزدەرى بولۋى ءۇشىن تاياۋ شىعىستاعى سەرىكتەستەر قوسىلعانىن قالايمىز. ەاەو بويىنشا سەرىكتەستەردى دە تارتامىز، ويتكەنى بۇل وڭتۇستىككە اپاراتىن بىردەن ءبىر ەڭ قىسقا جول"، – دەيدى جۇمانعارين.
ۆيسە-پرەمەر گەراتتان ەكى باعىتقا تاعى قاتىناۋعا بولاتىندىعىنا نازار اۋداردى. ونىڭ ىشىندە پاكىستان ارقىلى كاراچي پورتىنا دەيىن (شامامەن 500 كم)، سونداي-اق جاڭادان قۇرىلعان چاباحار پورتىنا (يران) دا بارۋعا بولادى. شەنەۋنىك بۇل جوبانى قازاقستان ءۇشىن وتە ءتيىمدى ەكەنىن ايتادى، ويتكەنى بۇل - تەڭىزدەرگە جەتكىزەتىن ەڭ جىلدام باعىت.
"بىزگە تەڭىزدەرگە، پورتتارعا اپاراتىن جول كەرەك. بۇل وتە ماڭىزدى. ءبىز ونسىز تۇنشىعىپ جاتىرمىز. ءارى قاراي دامۋ تۋرالى ايتۋ قيىن. سوندىقتان ءبىز بۇعان ەرتە مە، كەش پە كەلەمىز، مەنىڭ ويىمشا، ءبىز ماقساتىمىزعا جاقىن بولاشاقتا جەتەمىز"، - دەپ سەندىرەدى جۇمانعارين.
بۇعان دەيىن مەملەكەت باسشىسىنىڭ نيۋ-يورك قالاسىنا رەسمي ساپارى اياسىندا اقش ساۋدا ءمينيسترى گوۆارد لاتنيكتىڭ قاتىسۋىمەن امەريكالىق Wabtec كومپانياسىمەن جالپى سوماسى 4،2 ميلليارد دوللارعا جۋىق كەلىسىمگە قول قويۋ ءراسىمى وتكەنى بەلگىلى. قۇجاتتا قازاقستاندا تەحنيكالىق تۇرعىدان جەتىلدىرىلگەن 300 لوكوموتيۆ شىعارۋ جانە وعان سەرۆيستىك قىزمەت كورسەتۋ قاراستىرىلعان.
