اتالعان تاپسىرمانى ورىنداۋ ماقساتىندا «Jas Otan» جق تۇركىستان وبلىستىق فيليالىنىڭ ۇيىمداستىرۋىمەن حالىقارالىق قازاق-تۇرىك ۋنيۆەرسيتەتىندە تۇركىستان «Adaldyk alany» جوبالاۋ كەڭسەسىمەن بىرىگىپ، جوعارى وقۋ ورىندارىندا سىبايلاس جەمقورلىق فاكتىلەرىن انىقتاۋ، ستۋدەنتتەردىڭ وتىنىشتەرىن جەدەل قابىلداۋدى قامتاماسىز ەتۋ، سىبايلاس جەمقورلىقتىڭ الدىن الۋ جانە وعان قارسى تۇرۋ ماقساتىندا «سەنىم جاشىگى» قورابتارى ورناتىلدى.
اتالعان ءىس-شاراعا «Nur Otan» پارتياسى تۇركىستان وبلىستىق فيليالى ءتوراعاسىنىڭ ورىنباسارى قالىيما جانتورەيەۆا، حالىقارالىق قازاق-تۇرىك ۋنيۆەرسيتەتىنىڭ «الەۋمەتتىك قولداۋ جانە تاربيە ىستەرى» جونىندەگى ۆيسە-پرەزيدەنتى امىرەقۇل ابۋوۆ جانە تۇركىستان «Adaldyk alany» جوبالاۋ كەڭسەسىنىڭ جەتەكشىسى اقتورە تالعات ۇلى قاتىسىپ، وقۋ ورنىنداعى ستۋدەنتتەردىڭ جاي-كۇيىمەن تانىستى.
«Nur Otan» پارتياسى تۇركىستان وبلىستىق فيليالى ءتوراعاسىنىڭ ورىنباسارى قالىيما جانتورەيەۆا ايتۋىنشا:
– سەنىم جاشىگىن ورناتۋداعى باستى ماقسات – ستۋدەنتتەر مەن وقىتۋشى قۇرام اراسىنداعى ورىن الاتىن زاڭ بۇزۋشىلىقتاردى قۇزىرەتتى ورگاندارعا جەتكىزۋ جانە ۋنيۆەرسيتەتتە اشىقتىقتى، ادىلەتتىلىكتى، ادالدىق قۇندىلىقتارىن قالىپتاستىرۋ بولىپ تابىلادى.
سەنىم جاشىگى حالىقارارالىق ۋنيۆەرسيتەتتىڭ وزگە دە عيماراتتارى مەن ستۋدەنتتەر ۇيىنە 10 داناسى قويىلدى. سەنىم جاشىكتەرىن قاداعالاۋ، باقىلاۋ «Jas Otan» جق كەلىپ تۇسكەن ارىز-شاعىمداردى قۇزىرەتتى مەكەمەگە جولداۋ ق ر سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ باستاماسىمەن ق.ا.ياساۋي ۋنيۆەرسيتەتىندە اشىلعان «پاراسات ورتالىعى» ارقىلى جۇزەگە اسىراتىن بولادى.
الداعى ۋاقىتتا، «سەنىم جاشىكتەرىن» وڭىرىمىزدەگى وزگە دە جوعارعى وقۋ ورىندارىمەن مەن بارلىق كوللەدجدەردە ورناتۋ جوسپارلانىپ وتىر-دەدى وبلىستاعى پارتيا ءتوراعاسىنىڭ ورىنباسارى.
