Atalǵan tapsyrmany oryndaý maqsatynda «Jas Otan» JQ Túrkistan oblystyq filialynyń uiymdastyrýymen Halyqaralyq qazaq-túrik ýniversitetinde Túrkistan «Adaldyk alany» jobalaý keńsesimen birigip, joǵary oqý oryndarynda sybailas jemqorlyq faktilerin anyqtaý, stýdentterdiń ótinishterin jedel qabyldaýdy qamtamasyz etý, sybailas jemqorlyqtyń aldyn alý jáne oǵan qarsy turý maqsatynda «Senim jáshigi» qorabtary ornatyldy.
Atalǵan is-sharaǵa «Nur Otan» partiiasy Túrkistan oblystyq filialy tóraǵasynyń orynbasary Qalyima Jantóreeva, Halyqaralyq qazaq-túrik ýniversitetiniń «Áleýmettik qoldaý jáne tárbie isteri» jónindegi vitse-prezidenti Ámirequl Abýov jáne Túrkistan «Adaldyk alany» jobalaý keńsesiniń jetekshisi Aqtóre Talǵatuly qatysyp, oqý ornyndaǵy stýdentterdiń jai-kúiimen tanysty.
«Nur Otan» partiiasy Túrkistan oblystyq filialy tóraǵasynyń orynbasary Qalyima Jantóreeva aitýynsha:
– Senim jáshigin ornatýdaǵy basty maqsat – stýdentter men oqytýshy quram arasyndaǵy oryn alatyn zań buzýshylyqtardy quzyretti organdarǵa jetkizý jáne ýniversitette ashyqtyqty, ádilettilikti, adaldyq qundylyqtaryn qalyptastyrý bolyp tabylady.
Senim jáshigi Halyqararalyq ýniversitettiń ózge de ǵimarattary men stýdentter úiine 10 danasy qoiyldy. Senim jáshikterin qadaǵalaý, baqylaý «Jas Otan» JQ kelip túsken aryz-shaǵymdardy quzyretti mekemege joldaý QR Sybailas jemqorlyqqa qarsy is-qimyl agenttiginiń Túrkistan oblysy boiynsha departamentiniń bastamasymen Q.A.Iasaýi ýniversitetinde ashylǵan «Parasat ortalyǵy» arqyly júzege asyratyn bolady.
Aldaǵy ýaqytta, «Senim jáshikterin» óńirimizdegi ózge de Joǵarǵy oqý oryndarymen men barlyq kolledjderde ornatý josparlanyp otyr-dedi oblystaǵy partiia tóraǵasynyń orynbasary.
