بۇل تۋرالى "ازاتتىق راديوسىنىڭ" ءتىلشىسى ايان قالمۇرات مالىمدەدى.
“بۇل جىگىتتىڭ ەسىمى — ەلدوس دوسانوۆ. سەمەيلىك بەلسەندى ازامات. 4 قازاندا «ويان، قازاق!» فيلمىنە بارىپ، «قاتتى رۋحتانادى».
فيلمنەن سوڭ ءبارىنىڭ الدىنا شىعىپ سويلەيدى.
«قازاقتىڭ ءجۇز جىل بۇرىنعى تاريحى قايتالانىپ جاتىر. بيلىك ءقازىر دە قۋدالاپ جاتىر. ساحارانى جۇگىرىپ وتكەن مارات جىلانبايەۆتى بەس ايدان بەرى تۇرمەدە ۇستاپ وتىر» دەيدى.
ەكى اپتادان سوڭ، 17 قازاندا ۇيىنە پوليسەيلەر كەلىپ، ەلدوستىڭ ۇستىنەن الدەكىم «ميتينگىگە شاقىردى» دەپ ارىز جازعانىن ايتادى. كينوزالداعى ءسوزى ءۇشىن تۇسىنىكتەمە جازىپ بەرۋدى تالاپ ەتەدى. ەلدوس وعان كەلىسپەي، جازۋدان باس تارتقان. ەندى ونى «قۇقىق قورعاۋ ورگان قىزمەتكەرىنىڭ زاڭدى تالابىنا باعىنبادى» دەپ ايىپتاپ، اكىمشىلىك سوتقا تارتىپ جاتىر”، – دەپ جازدى جۋرناليست.
بەلسەندى وزىنە تاعىلعان ايىپتى پالسەيلەر «ويدان قۇراستىرعان» دەپ ەسەپتەيدى.
ەلدوس دوسانوۆتىڭ سوتى بۇگىن وتەدى. وعان 103 500 تەڭگە ايىپپۇل سالىنۋى نە 15 تاۋلىككە قامالۋى مۇمكىن.
https://dalanews.kz/del-qazir/94219-kreml-kizhinip-zhatyr-qazaqstan-sogys
