سەمەيدەن ەلىمىزدىڭ ءىرى قالالارىنا قاتىنايتىن اۋە رەيستەرىنىڭ سانى ارتىپ كەلەدى. 23 قىركۇيەكتەن باستاپ «قاراعاندى – سەمەي – قاراعاندى» باعىتىندا سىيىمدىلىعى 50 ورىندىق «Bombardier CRJ200» ۇشاعى جولاۋشىلاردى تاسىمالداي باستادى، دەپ حابارلايدى Dalanews.kz
سۋبسيديالانعان رەيستى «SCAT» اۋە كومپانياسى جۇزەگە اسىرادى. جولاۋشىلار اپتاسىنا 2 رەت – سەيسەنبى جانە بەيسەنبى كۇندەرى قاتىنايتىن بولادى. بيلەت باعاسى – 15 000 تەڭگە.
جاڭا باعىتتىڭ اشىلۋى تۇرعىندارعا قولايلى ءارى قولجەتىمدى باعادا ساپارلاۋعا مۇمكىندىك بەرەدى.
قازىرگى ۋاقىتتا سەمەي قالاسىنان «سەمەي – الماتى»، «سەمەي – استانا»، «سەمەي – ءۇرجار»، «سەمەي – قاراعاندى» باعىتتارى بويىنشا اۋە رەيستەرى ورىندالۋدا. اتالعان رەيستەردى «FlyArystan»، «وڭتۇستىك اسپانى»، «SCAT» اۋە كومپانيالارى جۇزەگە اسىرىپ كەلەدى.
ايتا كەتەيىك، رەسپۋبليكالىق بيۋدجەتتەن سۋبسيديالاناتىن جاڭا باعىت قازاقستان رەسپۋبليكاسى كولىك مينيسترلىگىنىڭ ازاماتتىق اۆياسيا كوميتەتىنىڭ جانە اباي وبلىسى اكىمدىگىنىڭ قولداۋىمەن اشىلىپ وتىر.
