بٷگٸن وبلىس ەكٸمٸ بەرٸك ۋەلي شري-لانكادا ٶتكەن بوكستان جاستار اراسىنداعى ازييا چەمپيوناتىنىڭ جەڭٸمپازدارى مەن ولاردىڭ باپكەرلەرٸن قابىلداپ, حالىقارالىق ارەناداعى جوعارى جەتٸستٸكتەرٸمەن قۇتتىقتادى,- دەپ حابارلايدى Dalanews.kz
كەزدەسۋگە اباي وبلىسى بويىنشا ەۋەسقوي بوكس فەدەراتسيياسى قوعامدىق بٸرلەستٸگٸنٸڭ اتقارۋشى ديرەكتورى جاقسىلىق يلياسوۆ پەن اتالعان ۇيىمنىڭ باسشىلارى قاتىستى.
جانەل يمانتاەۆا 54 كەلٸ سالماق دەرەجەسٸندە ازييا چەمپيونى بولىپ, قازاقستان رەسپۋبليكاسىنىڭ سپورت شەبەرٸنە ٷمٸتكەر اتاندى. ول 2024 جىلى رەسەيدٸڭ ياكۋتسك قالاسىندا ٶتكەن ازييا بالالارى سپورتتىق ويىندارىنىڭ قولا جٷلدەگەرٸ, 2023 جىلى استانادا ٶتكەن جاستار اراسىنداعى قازاقستان چەمپيوناتىنىڭ كٷمٸس جٷلدەگەرٸ.
اقنۇر تۇرسىنعالي 57 كەلٸ سالماقتا ٶنەر كٶرسەتٸپ, ازييا چەمپيوناتىندا التىن مەدال يەلەندٸ. 2024 جىلعى قازاقستان چەمپيوناتىندا كٷمٸس, 2023 جىلى ٶتكەن ەل چەمپيوناتىندا قولا جٷلدە جەڭٸپ العان.
ايماق باسشىسى كەزدەسۋ بارىسىندا بوكسشىلارعا جەنە ولاردىڭ باپكەرلەرٸنە العىس حات پەن اقشالاي سەرتيفيكات تابىس ەتتٸ.
وبلىس ەكٸمٸ قۇتتىقتاۋ سٶزٸندە ٶڭٸردە بوكس جوعارى دەڭگەيدە دامىپ كەلە جاتقانىن اتاپ ٶتتٸ.
«اباي ەلٸ, سەمەي ٶڭٸرٸ – كٶپتەگەن سپورت تٷرلەرٸنٸڭ وتانى. ايماقتا فۋتبول, كٷرەس, بوكس جاقسى دامىپ كەلەدٸ.مٸنە, ٶزدەرٸڭٸز وبلىسىمىزعا ازييا چەمپيونى اتاعىن ەكەلٸپ وتىرسىزدار. بۇل – ٶڭٸرٸمٸز ٷشٸن مەرەي, وبلىسىمىز ٷشٸن ماقتانىش. جوعارى جەتٸستٸكتەرٸڭٸزبەن وبلىس اتىنان قۇتتىقتايمىز. جاتتىقتىرۋشىلار اسان سەكسەنباەۆ پەن عايسا ەرنارعا راحمەت ايتامىن. بولاشاقتا جانەل مەن اقنۇر بۇدان دا بيٸك جەتٸستٸكتەرگە جەتٸپ, وليمپ شىڭىن باعىندىرادى دەپ سەنەمٸز. سپورتشىلاردىڭ جاتتىعۋلارى مەن جارىستارعا بارۋىنا قولداۋ كٶرسەتٸپ, دەمەۋشٸلٸك جاساپ جٷرگەن كەسٸپكەر, مەتسەنات ماحات تٶرەلٸگە ەرەكشە العىس ايتامىن. ٶزٸڭٸز وبلىستىڭ بوكس فەدەراتسيياسىنىڭ تٸزگٸنٸن ۇستاعالى وسىنداي اقجولتاي جاڭالىقتار جيٸ بولىپ جاتىر. الداعى ۋاقىتتا سەتتٸلٸك تٸلەيمٸن. ٶڭٸردە سپورتتىق ينفراقۇرىلىمدى دامىتۋعا جٸتٸ كٶڭٸل بٶلٸپ, كٶپتەگەن اۋقىمدى شارالار اتقارىپ جاتىرمىز. بيىل وبلىسىمىزدىڭ قالا-اۋداندارىندا جٷزۋ باسسەينٸ, سپورتتىق مودۋلدەر, دەنە شىنىقتىرۋ-ساۋىقتىرۋ كەشەندەرٸ سالىنادى. بۇل باعىتتاعى جۇمىستى جالعاستىرامىز», - دەدٸ ايماق باسشىسى.
ٶڭٸردە سوڭعى جىلدارى بوكس قارقىندى دامىپ كەلەدٸ. كٷنٸ كەشە وبلىسىمىزدىڭ تۋماسى ەراسىل جاقپەكوۆ نيدەرلاندتا ٶتكەن «Eindhoven Box Cup» حالىقارالىق تۋرنيرٸندە التىننان القا تاعىندى. ول بىلتىر تايلاندتاعى بوكستان ازييا چەمپيوناتىندا قولا, بيىل 21 جاسقا دەيٸنگٸ سپورتشىلار اراسىنداعى ازييا چەمپيوناتىندا التىن مەدال يەلەنگەن بولاتىن. وسى جارىستا جەرلەستەرٸمٸز ەرنار كاراپ پەن رۋسلان كٷزەۋباەۆ كٷمٸس مەدال الدى.
ايتا كەتەيٸك, بٷگٸندە اباي وبلىسىنان 424 سپورتشى قازاقستان رەسپۋبليكاسىنىڭ ۇلتتىق قۇراماسىنا ەنگەن. 2024 جىلى وبلىس سپورتشىلارى تٷرلٸ حالىقارالىق جارىستاردا 114 التىن, 155 كٷمٸس, 211 قولا جٷلدە يەلەندٸ.
