بيىل سەمەيدە قالا كٷنٸ «سەمەيدٸ سٷيۋ – تاريحقا باس ييۋ!» تاقىرىبىمەن اتالىپ ٶتتٸ. جەتٸ كٷنگە سوزىلعان مەرەكەلٸك اپتالىق اياسىندا مەدەني, سپورتتىق جەنە تانىمدىق باعىتتاعى 20-دان استام اۋقىمدى ٸس-شارا ۇيىمداستىرىلىپ, 150 مىڭ ادام قامتىلدى, دەپ حابارلايدى dalanews.kz.
مەرەكە اياسىندا ۇلتتىق سپورتتى ۇلىقتاعان بەيگە ۇيىمداستىرىلدى. سونىمەن قاتار اۋدارىسپاق, قول كٷرەس, گٸر كٶتەرۋ جەنە ارقان تارتىستان جارىستار ٶتٸپ, قاتىسۋشىلار كٷش-قايراتى مەن ەپتٸلٸگٸن سىنعا سالدى.
سونداي-اق كٷش پەن جٸگەردٸ سىناعان «سەمەي باتىرى» تۋرنيرٸ, سالاۋاتتى ٶمٸر سالتىن دەرٸپتەگەن «TUNGI RUN – SEMEY» تٷنگٸ جٷگٸرۋ شاراسى ٶتتٸ. بالالاردىڭ ٶنەر بايقاۋى, قولٶنەر جەرمەڭكەسٸ مەن سپورتتىق سايىستار تۇرعىندار مەن قالا قوناقتارىنىڭ باسىن قوسىپ, مەرەكەلٸك كٶڭٸل كٷي سىيلادى.
مەرەكەلٸك اپتالىق قاراعايلى شاعىناۋدانىنداعى رەسپۋبليكا الاڭىندا ٶتكەن اۋقىمدى Open Air گالا-كونتسەرتٸمەن قورىتىندىلاندى. ساحنادا تۇرار ىدىرىس, ايدانا مەدەنوۆا, AYREE, ەرنار اماندىق, سونداي-اق قىرعىزستاننان AMIRCHIK, گەرمانييادان NANA DARKMAN جەنە مولدوۆادان ARSENIUM FROM O-ZONE ٶنەر كٶرسەتتٸ. كەشتٸ جازيرا ەركٸن مەن DAKE جٷرگٸزدٸ.
گالا-كونتسەرتتٸڭ اشىلۋىندا سٶز سٶيلەگەن وبلىس ەكٸمٸ بەرٸك ۋەلي بارشا سەمەيلٸكتەردٸ قالا كٷنٸمەن قۇتتىقتادى.
«بارشاڭىزدى سەمەي قالاسىنىڭ تۋعان كٷنٸمەن شىن جٷرەكتەن قۇتتىقتايمىن! سەمەي – تاريحى تەرەڭ, تاعىلىمى مول, الاشتىڭ استاناسى بولعان ەرەكشە قالا. سەمەيدٸ سٷيۋ – تاريحقا باس ييۋ. قازاق مەملەكەتتٸگٸنٸڭ تاريحى سەمەي قالاسىمەن تىعىز بايلانىستى. الاش قايراتكەرلەرٸ وسى قالادا قىزمەت ەتتٸ. سەمەي – تۇڭعىشتار مەكەنٸ. تۇڭعىشتاردىڭ بارلىعى سەمەي توپىراعىندا دٷنيەگە كەلگەن. بٸز وسىمەن ماقتانامىز. بٷگٸندە سەمەي قالاسى مەملەكەت باسشىسىنىڭ تٸكەلەي قولداۋىنىڭ ارقاسىندا كٷننەن كٷنگە كٶركەيٸپ كەلەدٸ. بيىل وبلىس ورتالىعىنداعى 700-گە جۋىق تۇرعىن ٷيگە العاش رەت جازدا ىستىق سۋ بەرٸلدٸ. جٷزگە جۋىق كٶشەلەر جاڭارتىلىپ, اۋلالار اباتتاندىرىلىپ, جولدار جٶندەلٸپ, جاڭا كەيٸپكە ەنٸپ جاتىر. «ابايعا قۇرمەت» اكتسيياسى اياسىندا كٶپتەگەن مەدەنيەت, سپورت نىساندارى سالىنۋدا. بيىل قالا كٷنٸ العاش رەت كەڭ اۋقىمدا, بٸر اپتا كٶلەمٸندە, جوعارى دەڭگەيدە اتاپ ٶتٸلدٸ. تۋعان قالامىزدىڭ ٶسٸپ-ٶركەندەۋٸنە ٷلەس قوسىپ, ەربٸر يگٸ ٸسكە قولداۋ بٸلدٸرٸپ جٷرگەن بارشا ازاماتتارعا العىس بٸلدٸرەمٸن», – دەدٸ ايماق باسشىسى.
تۇرعىندارعا قولايلى بولۋى ٷشٸن گالا-كونتسەرتتٸڭ تٸكەلەي كٶرسەتٸلٸمٸ اربات اۋماعىندا جەنە مۇحتار ەۋەزوۆ الاڭىندا ۇيىمداستىرىلدى. مەرەكەلٸك كەش جارقىن وتشاشۋمەن اياقتالدى.
