2023 جىلعى «سەمەي ورمانى» رەزەرۆاتىنداعى الاپات ٶرت كەزٸندە قازا تاپقان ورمانشىلاردىڭ تاعدىرىنا نەگٸزدەلگەن «38. سوڭعى نٷكتە» كٶركەم فيلمٸ كەڭ پروكاتقا شىقتى, دەپ حابارلايدى dalanews.kz.
فيلم اۆتورى ماقسات جۇماحانوۆتىڭ ٶزٸ دە ورمانشى. ونىڭ ايتۋىنشا, كارتينا يدەياسى كينو سالاسىنان ەمەس, ورمانداعى كٷندەلٸكتٸ جۇمىسىنان جەنە وسى سالادا ەڭبەك ەتەتٸن ازاماتتاردىڭ ٶمٸرٸنەن تۋعان.
«مەن ٶزٸم ورمانشىمىن. كينوعا دا, مەدياعا دا قاتىسىم بولعان جوق. بۇل وقيعا مەنٸڭ ٶزٸمە جاقىن, سەبەبٸ مەن وسى سالانىڭ ٸشٸندەمٸن. مەنٸڭ ورمانشى بولىپ جٷرگەن باۋىرلارىم, ەرٸپتەستەرٸم بار. ولاردىڭ كٷندەلٸكتٸ ەڭبەگٸن, قانداي جاعدايدا جۇمىس ٸستەيتٸنٸن, قانداي قاۋٸپكە باراتىنىن جاقسى بٸلەمٸن. سوندىقتان وسى وقيعانى ەكرانعا شىعارۋ تۋرالى وي پايدا بولدى. ال ونى جٷزەگە اسىرۋعا رەجيسسەرلەر مەن شىعارماشىلىق توپتاعى جٸگٸتتەر كٶپ كٶمەكتەستٸ. مەن ورمانشى رەتٸندە بٸلەتٸن دٷنيەلەرٸمدٸ ايتىپ بەردٸم, ال ولار سول وقيعانى كينو تٸلٸمەن جەتكٸزۋگە مٷمكٸندٸك جاسادى», – دەدٸ ماقسات جۇماحانوۆ.
فيلمگە 2023 جىلى «سەمەي ورمانى» اۋماعىندا بولعان الاپات ورمان ٶرتٸ نەگٸز بولعان. سول قايعىلى وقيعا كەزٸندە 15 ورمان شارۋاشىلىعى قىزمەتكەرٸ قازا تاپقان. كارتينا اۆتورلارى فيلم ارقىلى قىزمەتتٸك مٸندەتٸن اتقارۋ كەزٸندە ٶمٸرٸن قيعان ازاماتتاردىڭ ەرلٸگٸن ەسكە الىپ, ولاردىڭ رۋحىنا تاعزىم ەتۋدٸ ماقسات ەتكەن.
«بۇل فيلمدٸ تٷسٸرۋ بٸز ٷشٸن جاي عانا كينو جاساۋ بولعان جوق. بٸز سول كەزدە قازا بولعان ازاماتتاردى ۇمىتپاۋىمىز كەرەك دەپ ويلادىق. ولار ٶز مٸندەتٸن اتقارىپ جٷرٸپ ٶمٸردەن ٶتتٸ. سوندىقتان ولاردىڭ ەسٸمٸ, ەڭبەگٸ مەن تاعدىرى كەيٸنگٸ ۇرپاققا جەتسە دەيمٸز. بۇل سول ازاماتتاردى ەسكە الۋ, ولاردىڭ وتباسىلارىنا دەگەن قۇرمەتٸمٸز», – دەدٸ فيلم اۆتورى.
فيلم سيۋجەتٸ تابيعي اپاتپەن بەتپە-بەت كەلگەن ورمانشىلاردىڭ وقيعاسى ارقىلى ٶربيدٸ. كەيٸپكەرلەردٸڭ تاعدىرى نەگٸزٸندە ادام ٶمٸرٸنٸڭ قۇندىلىعى, دوستىق پەن وتباسى, بورىش پەن جەكە تاڭداۋ مەسەلەلەرٸ كٶتەرٸلەدٸ.
كارتينادا ورمانشىلاردىڭ كەسٸبي مٸندەتٸ عانا ەمەس, تٶتەنشە جاعدايدا قابىلدايتىن شەشٸمدەرٸ مەن ادام ٶمٸرٸنە دەگەن جاۋاپكەرشٸلٸگٸ دە كٶرسەتٸلەدٸ. فيلم كٶرەرمەندٸ تابيعاتقا ۇقىپتى قاراۋعا جەنە ورمانشىلار ەڭبەگٸنٸڭ ماڭىزىن باعالاۋعا ٷندەيدٸ.
«38. سوڭعى نٷكتە» فيلمٸنٸڭ رەجيسسەرٸ – تٶرەبەك بەيسەباەۆ, پروديۋسەرٸ – نۇرجٸگٸت حايدار. باستى رٶلدەردٸ اسان مەجيت, ارمان ۋاحيتوۆ, التىنشاش شاياحمەت, المات ساكاتوۆ, تٶلەپبەرگەن بايساقالوۆ, اسىلبەك ەيتٸش جەنە ماقسات سابيتوۆ سومدايدى.
كينوكارتينا قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ تاپسىرىسى بويىنشا ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن.
فيلم 3 قىركٷيەكتەن باستاپ قازاقستان كينوتەاترلارىندا كەڭ پروكاتقا شىقتى.
