نەتيجەسٸندە جان باسىنا شاققانداعى جالپى ٶڭٸرلٸك ٶنٸم كٶلەمٸ 629,5 مىڭ تەڭگە بولىپ, ٶسٸم 4,6 پايىزعا جەتكەن. بۇل تۋرالى تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە سايرام اۋدانىنىڭ ەكٸمٸ باقتييار ماماەۆ مەلٸمدەدٸ.
سونداي-اق, اۋداندا ٶنەركەسٸپ سالاسىندا اعىمداعى جىلدىڭ 10 ايىندا 33,6 ملرد. تەڭگەنٸڭ ٶنٸمٸ ٶندٸرٸلگەن, دامۋ كونتسەپتسيياسىنا سەيكەس جىل سوڭىنا دەيٸن 38,7 ملرد. تەڭگەگە ٶنٸم ٶندٸرۋ كٷتٸلۋدە. وبلىس دەڭگەيٸندەگٸ ٶنەركەسٸپ ٶنٸمٸ ٶندٸرٸسٸ بويىنشا اۋداننىڭ ٷلەسٸ 9,8 پايىزدى قۇراپ, ايماقتا 2 ورىنعا تۇراقتاعان.
ال اۋىل شارۋاشىلىعى سالاسىندا 53,3 ملرد.تەڭگەگە ٶنٸم ٶندٸرٸلٸپ, بىلتىرعى جىلمەن سالىستىرعاندا ٶسٸم 7,6 پايىزدى قۇرادى.
«وبلىستا اۋىل شارۋاشىلىعى ٶنٸمدەرٸنٸڭ ٷلەسٸ بويىنشا اۋدان 11,2 پايىزبەن كٶش باستاپ تۇر. تامشىلاتىپ سۋعارۋ جوسپارى 150 گەكتارعا جوسپارلانسا, 10 ايدىڭ كٶرسەتكٸشٸ بويىنشا 152,5 گەكتارعا ەنگٸزٸلگەن. جىلىجاي سالۋ جوسپارى 10 گەكتار, قازٸرگٸ تاڭدا سالىنعانى - 3,76 گەكتار. قارقىندى باۋ ەگۋ جوسپارى - 50 گەكتار, ورىندالعانى - 50,6 گەكتاردى قۇرايدى», - دەدٸ باقتييار ساپارەلٸۇلى.
اۋداندا مال شارۋاشىلىعى سالاسىندا 31,3 ملرد.تەڭگەگە ٶنٸم ٶندٸرٸلٸپ, ٶسٸم 10,7 پايىزدى قۇراعان. ٶتكەن جىلدىڭ سەيكەس كەزەڭٸمەن سالىستىرعاندا ٸرٸ قارا مال باسى - 27,5 پايىزعا, قوي مەن ەشكٸ - 1,8 پايىزعا, جىلقى - 13,2 پايىزعا, قۇس - 8,3 پايىزعا كٶبەيگەن. بٷگٸنگٸ تاڭدا اۋداندا 989 مال بورداقىلاۋ الاڭدارىندا بٸر مەزەتتە 32-33 مىڭ باس مال بورداقىلانۋدا. 2018 جىلعا 320 توننا مال ەتٸن ەكسپورتتاۋ جوسپارلانسا, 10 ايدا 393 توننا مال ەتٸ ەكسپورتقا شىعارىلعان.
جالپى, اۋىل شارۋاشىلىعى سالاسىندا 10 اي كٶلەمٸندە كونتسەپتسيياداعى جوسپارلانعان كٶرسەتكٸشتەرگە قول جەتكٸزٸلٸپ, سالاعا 2,4 ملرد.تەڭگە ينۆەستيتسييا تارتىلعان.
