Nátıjesinde jan basyna shaqqandaǵy jalpy óńirlik ónim kólemi 629,5 myń teńge bolyp, ósim 4,6 paıyzǵa jetken. Bul týraly Túrkistan oblysynyń Óńirlik komýnıkasıalar qyzmetinde ótken brıfıńte Saıram aýdanynyń ákimi Baqtıar Mamaev málimdedi.
Sondaı-aq, aýdanda ónerkásip salasynda aǵymdaǵy jyldyń 10 aıynda 33,6 mlrd. teńgeniń ónimi óndirilgen, damý konsepsıasyna sáıkes jyl sońyna deıin 38,7 mlrd. teńgege ónim óndirý kútilýde. Oblys deńgeıindegi ónerkásip ónimi óndirisi boıynsha aýdannyń úlesi 9,8 paıyzdy qurap, aımaqta 2 orynǵa turaqtaǵan.
Al aýyl sharýashylyǵy salasynda 53,3 mlrd.teńgege ónim óndirilip, byltyrǵy jylmen salystyrǵanda ósim 7,6 paıyzdy qurady.
«Oblysta aýyl sharýashylyǵy ónimderiniń úlesi boıynsha aýdan 11,2 paıyzben kósh bastap tur. Tamshylatyp sýǵarý jospary 150 gektarǵa josparlansa, 10 aıdyń kórsetkishi boıynsha 152,5 gektarǵa engizilgen. Jylyjaı salý jospary 10 gektar, qazirgi tańda salynǵany - 3,76 gektar. Qarqyndy baý egý jospary - 50 gektar, oryndalǵany - 50,6 gektardy quraıdy», - dedi Baqtıar Saparáliuly.
Aýdanda mal sharýashylyǵy salasynda 31,3 mlrd.teńgege ónim óndirilip, ósim 10,7 paıyzdy quraǵan. Ótken jyldyń sáıkes kezeńimen salystyrǵanda iri qara mal basy - 27,5 paıyzǵa, qoı men eshki - 1,8 paıyzǵa, jylqy - 13,2 paıyzǵa, qus - 8,3 paıyzǵa kóbeıgen. Búgingi tańda aýdanda 989 mal bordaqylaý alańdarynda bir mezette 32-33 myń bas mal bordaqylanýda. 2018 jylǵa 320 tonna mal etin eksporttaý josparlansa, 10 aıda 393 tonna mal eti eksportqa shyǵarylǵan.
Jalpy, aýyl sharýashylyǵy salasynda 10 aı kóleminde konsepsıadaǵy josparlanǵan kórsetkishterge qol jetkizilip, salaǵa 2,4 mlrd.teńge ınvestısıa tartylǵan.
