ماقالا جاريالانا سالىسىمەن تۇلكىباس اۋدانىنىڭ اكىمى قايرات ابدۋالييەۆ بىردەن جاۋاپ قاتتى جانە ەرجان داۋلەتوۆتىڭ ءسوزىن جوققا شىعاردى. سونىمەن كىم دۇرىس، كىم بۇرىس ايتىپ وتىر؟ اكىمنىڭ ءسوزىن قاز-قالپىندا بەرىپ وتىرمىز.
[caption id="attachment_13992" align="alignright" width="349"]
قايرات ابدۋالييەۆ[/caption]
«سايلاۋدى شىمكەنتشە ۇيىمداستىرۋ...نەمەسە «كانديداتتىقتان باس تارت» دەگەن ماقالانى وقىپ ءۇنسىز قالا المادىم. بۇل قالاي بولعانى؟
بىرىنشىدەن ەلىمىزدىڭ زاڭى بويىنشا ءاربىر ازاماتتىڭ سايلاۋعا تۇسۋگە تولىق قۇقىعى بار. ءيا، راس ەرجان داۋلەتوۆ ءوزى كەلىپ مەنىڭ قابىلداۋىمدا بولدى. اۋىل اقساقالدارى كەلدى. كەزدەسۋ بارىسىندا ەل ىشىندەگى اتقارىلىپ جاتقان جۇمىستار جايلى اڭگىمە بولدى.
ءبىراق بۇل كەزدەسۋدە مەن ەرجان داۋلەتوۆكە «سايلاۋعا تۇسپەيسىڭ!» دەپ ايتقان جوقپىن، ايتۋعا قۇقىم دا جوق.
ەكىنشىدەن ە. داۋلەتوۆ №6 تۇلكىباس وكرۋگتىك سايلاۋ وكرۋگىنەن اۋداندىق ءماسليحات دەپۋتاتتىعىنا ۇمىتكەر رەتىندە تىركەلگەن.
بيىلعى جىلدىڭ 27 اقپانىندا №6 تۇلكىباس وكرۋگتىك سايلاۋ كوميسسياسى داۋلەتوۆتىڭ جانە ونىڭ جۇبايىنىڭ دەكلاراسيادا كورسەتكەن مۇلكى مەن تابىسى جونىندەگى مالىمەتىن دۇرىس ەمەس تاپتى. وسىعان ساي «سايلاۋ تۋرالى» زاڭعا سايكەس كانديداتتى تىركەۋ تۋرالى شەشىمنىڭ كۇشىن جويدى. ءبىراق، بۇعان مەنىڭ ەشقانداي قاتىسىم جوق.
[caption id="attachment_14107" align="alignleft" width="206"]
ەرجان داۋلەتوۆ[/caption]
ەرجان داۋلەتوۆ ءوز كەزەگىندە كوميسسيانىڭ شەشىمىن زاڭسىز دەپ تاپتى جانە بۇعان قارسى ارىز بەرىپ سوتقا شاعىمدانعان ەكەن. الايدا تۇلكىباس اۋداندىق سوتى بۇل شەشىمدى قاناعاتتاندىرۋسىز قالدىردى.
بىلگەنىمدەي، داۋلەتوۆ ءارى قاراي وڭتۇستىك قازاقستان وبلىستىق سوتىنىڭ ازاماتتىق جانە اكىمشىلىك ىستەر جونىندەگى اپەللياسيالىق سوتىنا شاعىم تۇسىرەدى. بۇل جەردە دە ارىزدانۋشىنىڭ ءوتىنىشى قاناعاتتاندىرۋسىز قالدىرىلعان.
سوندىقتان ەرجان داۋلەتوۆتىڭ دەكلاراسياسىن دۇرىس تاپسىرماي، مەنەن كىنا ىزدەۋى جانە دالەلسىز ايىپتاۋى ادىلەتتىلىككە جاتپايدى دەپ سانايمىن.
ۇشىنشىدەن داۋلەتوۆتىڭ ايتقانى شىندىققا جاناسپايدى. كوكتەرەك اۋىلىندا گاز، اۋىز سۋ تولىق تارتىلعان. مەكتەپ كۇردەلى جوندەۋدەن وتكەن. اۋىلدىڭ ەلەكتر باعانالارى اۋىستىرىلىپ، كوشە بويىنا جارىق شامدىق ورناتىلعان.
قايرات ابدۋالييەۆ
تۇلكىباس اۋدانىنىڭ اكىمى
