مەن الماتىدا 551 سايلاۋ ۋچاسكەسٸندە, جسدپ پارتيياسىنىڭ اتىنان كوميسسييا مٷشەسٸ بولدىم. باسقا سايلاۋ ۋچاسكەلەرٸ ٷشٸن ەشنەرسە ايتا المايمىن. ال ٶزٸم كوميسسييا مٷشەسٸ بولعان سايلاۋ ۋچاسكەسٸندەگٸ جاعدايدىڭ نەتيجەسٸ باسقاشا بولعان ەدٸ.
10 قاڭتار تاڭعى 5:15 تە ۋچاسكەگە كٸرگەننەن كەشكٸ توعىزدان اسا بٸر-اق شىقتىق. بٸزدە ەشقانداي زاڭ بۇزۋشىلىق بولعان جوق. ەربٸر سايلاۋشى ٶز بەتٸنشە ٶزٸنە تيٸستٸ ەكٸ بيۋللەتتەننەن الدى. ەشكٸمگە ەشكٸم ٷگٸت نەسيحات جٷرگٸزگەن جوق. سايلاۋشىلارعا تەك قانا تٷسٸندٸرۋ جۇمىسىن جاسادىق. ەكٸ بيۋللەتتەننٸڭ بٸرٸ پارلامەنتتٸڭ, ەكٸنشٸسٸ مەجٸلٸس دەپۋتاتتارى ەكەنٸن ايتتىق.
«بەس پارتييا بار, سونىڭ بٸرەۋٸن عانا تاڭدايسىزدار!» دەدٸك. باقىلاۋشىلار دا وتىردى. ەشقانداي زاڭ بۇزۋشىلىق, ۋ-شۋ بولعان جوق.
سٶزدٸڭ قىسقاسى, سايلاۋ بٸتكەن سوڭ, داۋىستاردى سانادىق.
بٸرٸنشٸ بولىپ «نۇر وتان» 171 داۋىس جينادى. ەكٸنشٸ «ادال» 167 داۋىس جيناپ, «نۇر وتاننان» 4 داۋىس قانا قالىپ قويدى.
سايلاۋدان كەيٸن دە تانىستارىم مەن كٶرشٸلەرٸمنەن سۇرادىم, كٶپشٸلٸگٸ «ادالعا» داۋىس بەرگەن. جۇرتتىڭ بەرٸ بولاشاعىمىز دۇرىس بولسا ەكەن, بالا-شاعامىزدىڭ ٶمٸرٸ جارقىن بولسا ەكەن دەگەن ماقساتپەن «ادالعا» داۋىس بەرٸپتٸ. بٸراق كەيٸننەن «ادالدىڭ» كٶش سوڭىندا قالعانىن ەستٸگەندە, تٶبەمٸزدەن جاي تٷسكەندەي كٷي كەشتٸك.
ەگەر سايلاۋ ەدٸل ٶتكەندە, «ادال» ەكٸنشٸ بولماسا دا, ٷشٸنشٸ ورىن الار ەدٸ. بۇل مەنٸڭ ٶز ويىم. كوميسسييا مٷشەسٸ رەتٸندە ٶز كٶزٸممەن كٶرگەن اقيقاتىم وسى.
جسدپ پارتيياسىنىڭ اتىنان تٷركسٸب اۋدانىنا 14 ادام كوميسسييا مٷشەسٸ رەتٸندە بٶلٸنگەن. بٸراق سونىڭ تەڭ جارتىسى, ياعني جەتٸ ادام «ٶتپەي» قالدى. ەكٸ تٷرلٸ سەرتيفيكات ٶتكٸزۋٸ كەرەك ەكەن. كەيبٸرەۋلەرٸ ەكەۋٸن دە تولىق ٶتكٸزگەن. سونىڭ ٶزٸندە اياقتان شالدى. بٸر ادامىمىزعا قوسىمشششا تابىسىن كٶرسەتپەگەن دەگەن سىلتاۋمەن كوميسسييا قۇرامىنان شەتتەتٸلدٸ.
كوميسسييا مٷشەسٸ رەتٸندە تٶلەنەتٸن 120 مىڭ تەڭگەنٸ كٶپ كٶردٸ مە, ەلدە باسقا سەبەپ بار ما? قانداي سەبەپپەن ٶتپەي قالدى, نەگە اياق استىنان كوميسسييا قۇرامىنا بٸزدٸڭ ادامداردى ٶتكٸزبەي قويدى? ول جاعى تٷسٸنٸكسٸز بٸزگە.
بۇلار مەن بٸلەتٸن جەتٸ ادام عانا. ال بٷكٸل قازاقستان بويىنشا قانشا مىڭ سايلاۋ ۋچاسكەلەرٸ بولدى? ولارداعى شىنايى جاعداي قالاي بولدى? ول جاعى دا بەلگٸسٸز. بەلگٸلٸسٸ حالىقتىڭ كٶپشٸلٸگٸ «ادالعا» داۋىس بەرٸپ ەدٸ...
زەۋرەش مۇسابەكوۆا,
سايلاۋ كوميسسيياسىنىڭ مٷشەسٸ
