Men Almatyda 551 sailaý ýchaskesinde, JSDP partiiasynyń atynan komissiia múshesi boldym. Basqa sailaý ýchaskeleri úshin eshnárse aita almaimyn. Al ózim komissiia múshesi bolǵan sailaý ýchaskesindegi jaǵdaidyń nátijesi basqasha bolǵan edi.
10 qańtar tańǵy 5:15 te ýchaskege kirgennen keshki toǵyzdan asa bir-aq shyqtyq. Bizde eshqandai zań buzýshylyq bolǵan joq. Árbir sailaýshy óz betinshe ózine tiisti eki biýllettennen aldy. Eshkimge eshkim úgit násihat júrgizgen joq. Sailaýshylarǵa tek qana túsindirý jumysyn jasadyq. Eki biýllettenniń biri Parlamenttiń, ekinshisi Májilis depýtattary ekenin aittyq.
«Bes partiia bar, sonyń bireýin ǵana tańdaisyzdar!» dedik. Baqylaýshylar da otyrdy. Eshqandai zań buzýshylyq, ý-shý bolǵan joq.
Sózdiń qysqasy, sailaý bitken soń, daýystardy sanadyq.
Birinshi bolyp «Nur Otan» 171 daýys jinady. Ekinshi «Adal» 167 daýys jinap, «Nur Otannan» 4 daýys qana qalyp qoidy.
Sailaýdan keiin de tanystarym men kórshilerimnen suradym, kópshiligi «Adalǵa» daýys bergen. Jurttyń bári bolashaǵymyz durys bolsa eken, bala-shaǵamyzdyń ómiri jarqyn bolsa eken degen maqsatpen «Adalǵa» daýys beripti. Biraq keiinnen «Adaldyń» kósh sońynda qalǵanyn estigende, tóbemizden jai túskendei kúi keshtik.
Eger sailaý ádil ótkende, «Adal» ekinshi bolmasa da, úshinshi oryn alar edi. Bul meniń óz oiym. Komissiia múshesi retinde óz kózimmen kórgen aqiqatym osy.
JSDP partiiasynyń atynan Túrksib aýdanyna 14 adam komissiia múshesi retinde bólingen. Biraq sonyń teń jartysy, iaǵni jeti adam «ótpei» qaldy. Eki túrli sertifikat ótkizýi kerek eken. Keibireýleri ekeýin de tolyq ótkizgen. Sonyń ózinde aiaqtan shaldy. Bir adamymyzǵa qosymshsha tabysyn kórsetpegen degen syltaýmen komissiia quramynan shettetildi.
Komissiia múshesi retinde tólenetin 120 myń teńgeni kóp kórdi me, álde basqa sebep bar ma? Qandai sebeppen ótpei qaldy, nege aiaq astynan komissiia quramyna bizdiń adamdardy ótkizbei qoidy? Ol jaǵy túsiniksiz bizge.
Bular men biletin jeti adam ǵana. Al búkil Qazaqstan boiynsha qansha myń sailaý ýchaskeleri boldy? Olardaǵy shynaiy jaǵdai qalai boldy? Ol jaǵy da belgisiz. Belgilisi halyqtyń kópshiligi «Adalǵa» daýys berip edi...
Záýresh Musabekova,
Sailaý komissiiasynyń múshesi
