قازاقستاندىق ساياساتتانۋشى عازيز ەبٸشەۆ رەسەيلٸك ناسيحاتشى ۆلاديمير سولوۆيوۆتٸڭ داۋلى مەلٸمدەمەسٸنە قاتىستى پٸكٸر بٸلدٸردٸ, دەپ حابارلايدى Dalanews.kz.
بۇعان دەيٸن رەسەيلٸك تەلەجٷرگٸزۋشٸ ورتالىق ازييا مەن كاۆكازدى رەسەيدٸڭ "ىقپالدى اۋماعى" رەتٸندە اتاپ, قاجەت بولعان جاعدايدا اتالعان ٶڭٸرلەرگە قارسى حالىقارالىق قۇقىقتى ەلەمەي, ەسكەري كٷش قولدانۋعا بولاتىنىن اشىق تٷردە مەڭزەگەن ەدٸ.
"بۇل مەلٸمدەمە كرەملدٸڭ اقش-تىڭ ۆەنەسۋەلاعا قاتىستى ەرەكەتتەرٸنە جاناما رەاكتسيياسى ما, ەلدە ورتالىق ازييا مەن كاۆكاز ەلدەرٸنە باعىتتالعان ەسكەرتۋ مە, نە بولماسا سولوۆيوۆتٸڭ جەكە ساياسي دەمارشى ما - ايتۋ قيىن. مۇنىڭ بەرٸ قاتار كەلگەن بولۋى دا مٷمكٸن", - دەدٸ عازيز ەبٸشەۆ.
ونىڭ پٸكٸرٸنشە, مۇنداي سەبەپسٸز ەرٸ جارييا سيپاتتاعى مەلٸمدەمەلەر وداقتاس ەلدەرگە قاتىستى مەملەكەتارالىق قارىم-قاتىناس ەدەبٸنٸڭ بۇزىلۋى رەتٸندە باعالانۋى تيٸس.
"بٸر نەرسەنٸ ناقتى اجىراتا بٸلۋ كەرەك. ٶز ەلٸڭنٸڭ گەوساياسي مٷددەلەرٸن اشىق ايتۋ - قالىپتى جاعداي. ال كٶرشٸ مەملەكەتتەرمەن ىقتيمال ەسكەري قاقتىعىسقا قوعامدى الدىن الا دايىنداۋ مٷلدە باسقا مەسەلە", - دەپ اتاپ ٶتتٸ ساياساتتانۋشى.
سونداي-اق ەبٸشەۆ ٶشپەندٸلٸككە نەگٸزدەلگەن مۇنداي ريتوريكانىڭ ناقتى سالدارى بار ەكەنٸن ەسكەرتتٸ. ونىڭ سٶزٸنشە, دەل وسىنداي مەلٸمدەمەلەردەن كەيٸن قازاقستان سەكٸلدٸ ەلدەردٸڭ كٶپۆەكتورلى ساياسات ۇستانىپ, قىتاي, تٷركييا جەنە ٶزگە مەملەكەتتەرمەن, ونىڭ ٸشٸندە ەسكەري ىنتىماقتاستىقتى دامىتۋى كەيبٸر ورتادا تەرٸس قابىلدانا باستايدى.
"سودان سوڭ "ولار بٸزگە قارسى بٸردەڭە ويلاستىرىپ جاتىر ما, نەگە باسقا ەلدەرمەن جاقىنداسادى, نەگە قارۋ الادى, نەگە بٸرلەسكەن جاتتىعۋلار ٶتكٸزەدٸ" دەگەن ورىنسىز كٷدٸك تۋىندايدى. ال مۇنداي كٶزقاراستىڭ قايدان شىققانىنا مەن بەرٸلمەي جاتادى", — دەدٸ ول.
سوۆولەۆتٸڭ مەلٸمدەمەسٸ
ەسكە سالايىق, بۇعان دەيٸن رەسەيلٸك ناسيحاتشى ۆلاديمير سولوۆيوۆ مەسكەۋ "ارنايى ەسكەري وپەراتسييانى" تەك ۋكراينادا ەمەس, پوستكەڭەستٸك كەڭٸستٸكتەگٸ ٶزگە ەلدەردە دە باستاۋى مٷمكٸن ەكەنٸن مەلٸمدەگەن ەدٸ.
ونىڭ ايتۋىنشا, رەسەي ٷشٸن ەڭ قاۋٸپتٸ ايماقتار - ارمەنييا مەن ورتالىق ازييا مەملەكەتتەرٸ. سولوۆيوۆ بۇل باعىتتار ۇلتتىق قاۋٸپسٸزدٸك تۇرعىسىنان سيرييا نەمەسە ۆەنەسۋەلاداعى جاعدايدان ەلدەقايدا ماڭىزدى ەكەنٸن ايتتى.
"ارمەنييادان ايىرىلۋ - اسا ٷلكەن مەسەلە. ازيياداعى, ناقتىراق ايتقاندا ٶزدەرٸ ورتالىق ازييا دەپ اتايتىن ٶڭٸردەگٸ تٷيتكٸلدەر - بٸز ٷشٸن اۋقىمدى قاتەر. سوندىقتان ماقساتتارىمىز بەن مٸندەتتەرٸمٸزدٸ اشىق ەرٸ ناقتى ايقىنداۋ قاجەت. “ويىن اياقتالدى” دەپ تۋرا ايتۋ كەرەك. حالىقارالىق قۇقىق پەن حالىقارالىق تەرتٸپكە سٷيەنۋدٸڭ قاجەتٸ جوق. ەگەر ۇلتتىق قاۋٸپسٸزدٸگٸمٸز ٷشٸن ۋكراينادا ارنايى ەسكەري وپەراتسييا باستاۋعا مەجبٷر بولساق, دەل وسى ۋەجبەن ٶزٸمٸز ىقپال ايماعى دەپ سانايتىن باسقا ٶڭٸرلەردە دە وسىنداي قادامعا بارۋعا نە كەدەرگٸ?", - دەگەن ەدٸ ول.
