«بۇگىن تالدىقورعان قالاسىنداعى 71 تەرگەۋ اباقتىسىندا وتىرعان داكەڭمەن (دۋمان مۇحامەدكارىممەن – رەد.) كەزدەسىپ، كورىپ شىقتىم.
داكەڭنىڭ وسى ۋاقىتقا دەيىن قويعان تالابى الگى كۇنگە دەيىن ورىندالماي كەلە جاتقانىن بىلەسىزدەر، تالابى – الماتى قالاسىندا ورنالاسقان 72 مەكەمەگە ءوزىن اۋىستىرۋ ەدى، سەبەبى اتا-اناسى زەينەتكەر جاستا بولعاندىقتان، ولاردىڭ كەلىپ-كەتۋىن الاڭدايدى، ۋايىمدايدى.
وسى تالابى ورىندالماي جاتقاندىقتان، 19.08.2023 جىلى كۇندىز ساعات 15:00 شاماسىندا سول قولىنداعى بەسىنشى، كىشى ساۋساعىن شاپپاق بولعان، قاپاستا ەشبىر تەمىر زات بولماعاندىقتان، پلاستيكالىق زاتتى الىپ، ساۋساعىن شاپپاق بولعاندا پلاستيكالىق زات سىنىپ كەتكەن، ناتيجەسىندە ساۋساعى جىرىلىپ، كوگەرىپ، ءىسىپ كەتكەن.
كورىپ، ۋايىمداپ قالدىم، «تالابىم ورىندالماسا، ساۋساعىمدى ءبىر كۇنى شابامىن» دەپ وتىر.
بۇگىننەن باستاپ 01.09.2023 جىلعا دەيىن تالابىم ورىندالماسا، 01.09.2023 جىلدان باستاپ اشتىق جاريالايتىنىن، سودان سوڭ ساۋساعىن شاباتىنىن مالىمدەدى.
داكەڭنىڭ تالابى ورىندالۋعا جاتاتىن تالاپتاردىڭ ءبىرى دەپ سانايمىن.
داكەڭ – ءوز ءىسىنىڭ ناعىز شەبەرى، قازىرگى تاڭدا داكەڭدەي ازامات كەمدە كەم، ورنى قاتتى ءبىلىنىپ ءجۇر»، – دەپ جازدى ادۆوكات الەۋمەتتىك جەلىدەگى پاراقشاسىندا.
