ساۋران اۋدانىنا قاراستى شاعا اۋىلدىق وكرۋگىندە جاڭبىرلاتىپ سۋارۋ ماشينالارى مەن تراكتورلار شىعارىلۋدا. بۇگىنگى تاڭدا 80 ادامدى تۇراقتى جۇمىسپەن قامتىپ وتىرعان «BNK GROUP LTD» ج ش س مەكەمەسى جىلىنا 950 دانا جاڭبىرلاتىپ سۋارۋ تەحنولوگياسىمەن جۇمىس ىستەيتىن ماشينالاردى وندىرۋگە قاۋقارلى. ىرگەلى ءوندىرىس ورنىنا ب ا ق وكىلدەرى ارنايى بارىپ، جۇمىسىمەن تانىستى، دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
سونىمەن قاتار، جۋرناليستەر اتالعان اۋىلدىق وكرۋگتە ورنالاسقان «اقنيەت حولدينگ» مۇگەدەكتور قوعامىنىڭ زاۋىتىنا باردى. وندا تۇراقتى جۇمىس ىستەيتىن 100 ادام اسكەري شاتىر وندىرىسىمەن اينالىسادى. بۇدان بولەك، ءوندىرىس ورنى كورپۋستىق، جۇمساق جانە مەديسينالىق جيھاز ءوندىرىسىن قولعا العان.
ب ا ق وكىلدەرىنىڭ كەلەسى بارعان نىسانى - قاراشىق اۋىلدىق وكرۋگىندەگى «ديلناز» شارۋاشىلىعى بولدى.
جىلىجايدا جىل بويى ءتۇرلى ءۇي جانە كوشە وسىمدىكتەرى وسىرىلەدى. ولاردىڭ قاتارىندا راۋشان، لوتوس، شىرايگۇل، شىرشا، جەمىس اعاشتارى بار. جايقالعان گۇلدەرگە سۇرانىس كوپ. الىس-جاقىن قالالارعا جەتكىزۋ قىزمەتى دە قولعا الىنعان. كاسىپكەر ديلناز وماروۆا گۇلدى سۋارۋدا زاماناۋي تەحنولوگيالاردى قولدانىپ كەلەدى. قازىرگى تاڭدا جىلىجايدا اۋىل تۇرعىندارى جۇمىس ىستەيدى. سونىمەن قاتار، كاسىپكەر بولمە گۇلدەرىن وتىرعىزاتىن كەراميكالىق ىدىستار مەن ءتۇرلى مۇسىندەر دايىندايدى.
سونداي-اق، ب ا ق وكىلدەرى شورناق اۋىلدىق وكرۋگىندەگى «TAK Mebel» جيھاز كاسىپورنىنا ايالادى. جىلىنا 12 000 دانا ءونىم وندىرىلەتىن سەحتا 45 ادام تۇراقتى جۇمىسپەن قامتىلعان. ساپالى جيھازدارعا سۇرانىس جوعارى. جيھاز ونىمدەرى ساپا مەنەدجمەنتى سەرتيفيكاتپەن راستالعان.
