Saýran aýdanyna qarasty Shaǵa aýyldyq okrýginde jańbyrlatyp sýarý mashinalary men traktorlar shyǵarylýda. Búgingi tańda 80 adamdy turaqty jumyspen qamtyp otyrǵan «BNK GROUP LTD» JShS mekemesi jylyna 950 dana jańbyrlatyp sýarý tehnologiiasymen jumys isteitin mashinalardy óndirýge qaýqarly. Irgeli óndiris ornyna BAQ ókilderi arnaiy baryp, jumysymen tanysty, dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Sonymen qatar, jýrnalister atalǵan aýyldyq okrýgte ornalasqan «Aqniet Holding» Múgedektor qoǵamynyń zaýytyna bardy. Onda turaqty jumys isteitin 100 adam áskeri shatyr óndirisimen ainalysady. Budan bólek, óndiris orny korpýstyq, jumsaq jáne meditsinalyq jihaz óndirisin qolǵa alǵan.
BAQ ókilderiniń kelesi barǵan nysany - Qarashyq aýyldyq okrýgindegi «Dilnaz» sharýashylyǵy boldy.
Jylyjaida jyl boiy túrli úi jáne kóshe ósimdikteri ósiriledi. Olardyń qatarynda raýshan, lotos, shyraigúl, shyrsha, jemis aǵashtary bar. Jaiqalǵan gúlderge suranys kóp. Alys-jaqyn qalalarǵa jetkizý qyzmeti de qolǵa alynǵan. Kásipker Dilnaz Omarova gúldi sýarýda zamanaýi tehnologiialardy qoldanyp keledi. Qazirgi tańda jylyjaida aýyl turǵyndary jumys isteidi. Sonymen qatar, kásipker bólme gúlderin otyrǵyzatyn keramikalyq ydystar men túrli músinder daiyndaidy.
Sondai-aq, BAQ ókilderi Shornaq aýyldyq okrýgindegi «TAK Mebel» jihaz kásipornyna aialady. Jylyna 12 000 dana ónim óndiriletin tsehta 45 adam turaqty jumyspen qamtylǵan. Sapaly jihazdarǵa suranys joǵary. Jihaz ónimderi sapa menedjmenti sertifikatpen rastalǵan.
