بولمانوۆتىڭ ٶزٸ مۇنى جوققا شىعارعان بولاتىن. الايدا ەلەۋمەتتٸك جەلٸدەگٸ سىنشىل قاۋىم پروديۋسەردٸڭ سٶزٸنە سەنبەگەن كەيٸپ تانىتقان. ەندٸ مٸنە مۇنىڭ ارتى ٷلكەن داۋعا ۇلاسپاي تۇرا, بۇل مەسەلەگە سەۋلە ەبەدينوۆانىڭ ٶزٸ نٷكتە قويۋعا تىرىسىپتى. اkjunis.kz سايتىندا جارييالانعان جاۋابىندا جۋرناليست بىلاي دەگەن ەكەن:
تاعى قايتالاپ ايتامىن — قىدىرەلٸنٸڭ بٸرٸنشٸ ەيەلٸ مەن ەمەس. مەنٸڭ جار دەگەندە جالعىز كٷيەۋٸم بولعان — بالالارىمنىڭ ەكەسٸ رٷستەم كٶپباەۆ دەگەن جٸگٸت.
رايا مۇحامەدياروۆانىڭ بٸر سٶزٸ بار: «بٸزدٸ اللا تابىستىردى, ادامدار اجىراستىردى» دەگەن. مەن بالالارىمنىڭ ەكەسٸن ەسسٸز سٷيگەنٸمدٸ ايتا الامىن…
ال اجىراسقانىمىز — تاعدىر. (قالاساڭىزدار, نەكە تۋرالى جەنە نەكەنٸ بۇزۋ تۋرالى كۋەلٸگٸمدٸ دە كٶزدەرٸڭٸزگە شۇقىپ تۇرىپ كٶرسەتۋگە بولادى!)
ال «سەۋلە قىدىردىڭ بٸرٸنشٸ ەيەلٸ» دەگەن ٶسەكتٸ مەنٸڭ كٷيەۋٸمە عاشىق بولعان بيبكا دەگەن ەيەل سوناۋ 90-شى جىلدارى تاراتقان ەدٸ… تاك چتو, بۇل ٶسەككە قۇلاعىم ٷيرەنگەن, ەتٸم دە ٶلٸپ كەتكەن…
تٸپتٸ, مەنٸ نۇرلان ٶنەرباەۆپەن دە, عالىم دوسكەنمەن دە, تٸپتٸ, اسانەلٸ ەشٸموۆپەن دە قوساقتاعان ٶسەكتەردٸ ەستٸگەنمٸن, بٸراق ول سٶزدەر — اقتالىپ, جاۋاپ بەرۋگە تۇرمايتىن, قۇلاققا ٸلۋگە, نازار اۋدارۋعا تۇرمايتىن سٶزدەر دەپ ەسەپتەدٸم. بٸراق بٷگٸن بٸر «وتپور» بەرمەسەم بولماس دەپ شەشتٸم, ٶيتكەنٸ بۇل مەسەلە سەندەرگە سونشالىقتى قىزىق سيياقتى عوي…
كٸم كٸمنٸڭ بٸرٸنشٸ ەيەلٸ, كٸم كٸمنٸڭ ەكٸنشٸ ەيەلٸ دەپ باستارىڭىزدى قاتىرىپ, شارشاپ قايتەسٸزدەر? اينالىساتىن, قىزىعاتىن باسقا تٸرلٸك جوق پا?
مىسالى, مەن ٸشٸم پىسسا, ەن تىڭدايمىن. ٶسەككە ۋاقىتتارىڭىزدى ٶلتٸرٸپ, جٷيكەلەرٸڭٸزدٸ شارشاتقانشا, تىم بولماسا, جاقسى بٸر فيلم كٶرٸڭٸزدەر.
مىسالى, «دو ۆسترەچي س توبوي…» دەگەن فيلم ماعان ۇنادى. وسىنداعى جەلٸ قولدانۋشىلاردىڭ كەڭەسٸمەن جاڭا عانا كٶرٸپ بٸتتٸم. جاقسى فيلم كٶرٸپ, ٶمٸرگە عاشىق كٶزبەن قاراپ وتىرعاندا, كٸر-قوقىستارىڭىزدى لاق ەتكٸزٸپ تٶگە سالدىڭىزدار عوي…
ال قىدىردىڭ «لەيلە, سەۋلەلەردٸڭ ەڭگٸمەسٸنە ەش قاتىسىم جوق» دەگەنٸ دۇرىس سٶز بولماپتى, «جۇرتتىڭ ٶسەگٸنە ەش قاتىسىم جوق» دەۋٸ كەرەك ەدٸ, ٶيتكەنٸ بۇل لەيلانىڭ, ياكي مەنٸڭ ەڭگٸمەم ەمەس, ەلدٸڭ ٶسەگٸ. ال «ەل نە دەمەيدٸ…»?
ٶسەكشٸ سايتتاردىڭ زامانى بولدى عوي — وسىنداي سايتتار ۇيالماي-قىزارماي مەملەكەتتەن ميلليونداردى الىپ وتىر-اۋ… اناۋ ٶسەكشٸ سايت بىلاي دەپتٸ: «وسىدان كەيٸن پروديۋسەر ٶزٸ اتىن اتاپ, تٷسٸن تٷستەگەن ەكٸ جەلٸ قولدانۋشىسىن ٶشٸرٸپ تاستاسا كەرەك…»…ٶيتسە كەرەك, بٷيتسە كەرەك» دەپ ٶسەك ايتىپ, كٷناعا باتقانشا, ناقتى دەلەلمەن سٶيلەپ ٷيرەن, جۋرناليستسىماق بايعۇس. قازاق جۋرناليستيكاسىنىڭ كٷنٸ سەندەيلەرگە قاراعان سوڭ نە سورىم… جوعارىدا رايا مۇحامەدياروۆانىڭ سٶزٸن كەلتٸردٸم عوي — مىنا تٷرلەرٸڭمەن سەندەر قىدىر مەن قاراقاتتى دا اجىراتىپ تىنىپ, تٶرت بالانى تٸرٸ جەتٸم ەتۋدەن تايىنبايسىڭدار…
بۇل ٶسەك تاراتۋشى سايت: «…ەكەۋٸن ٶشٸرٸپ تاستاسا كەرەك» دەيدٸ — لەيلەنٸ, مەنٸ ايتىپ وتىر. مەنٸ ٶشٸرۋ ٷشٸن مەن ونىڭ «دوستارى» قاتارىندا بولۋىم كەرەك شىعار — بٸراق مەن ونىڭ دوستارى قاتارىندا بولعان ەمەسپٸن…
قىدىردى جاقسى مۋزىكانت, تالانتتى پروديۋسەر رەتٸندە قۇرمەتتەيمٸن, ول تۋرالى كەزٸندە «ايقىنعا» جاقسى ماقالا دا جازعانمىن…
ەگەر قىدىر ەكەۋٸمٸزگە قاتىستى ٶسەك قاتتى تولعاندىرسا, مەنٸڭ كٸتابىم جارىققا شىققاندا, وقىپ الاسىزدار…
سەلەممەن, سەۋلە ەبەدينوۆا
