جاقىندا اۋىل ورتالىعىنان بازار اشىلىپ, بٸر دوربا كٷنباعىستىڭ دەنٸن الىپ ەرتاي اتاسى ەكەۋٸ العاشقى رەت اۋىل بازارىنا ساۋدا جاساۋعا شىقتى. جۇرتتىڭ بەرٸ تٷرلٸ زاتىن بازارعا ارقالاپ كەلٸپ, ساۋدالاپ جاتتى.
ەدەمٸ جىلتىراعان تٷرلٸ كەمپيتتەر ەرتايدىڭ كٶزٸن قارىقتىردى. ەرتاي مەن اتاسى دا شەمٸشكە تولعان دورباسىنىڭ اۋزىن اشىپ شەتكٸرەك بٸر بۇرىشقا جايعاستى. ەكەۋٸ بازارعا شىعۋعا بەت العاندا ەجەسٸ «شەكٸلدەۋٸكتٸڭ ستاقانىن 100 تەڭگەدەن ساتارسىڭدار» دەپ بٸرنەشە رەت قايتالاپ ايتقان بولاتىن. ولار وسىلايشا بٸراز تۇرعاننان كەيٸن بٸر ەيەل كەلٸپ بٸر ستاقان شەكٸلدەۋٸك ساتىپ الدى. بٸراق ەيگٸ ەيەل:
– ستاقاندارىڭىز كٸشكەنتاي ەكەن. 100 تەڭگەگە العاش شەكٸلدەۋٸگٸمٸز وسى عانا بولدى, – دەدٸ جاراتپاي. ەرتاي اتاسىنا قارادى. اتاسى بٸردەڭە بٷلدٸرٸپ قويعانداي قيپاقتاپ:
– ٷيدەن الىپ شىققان ستاقانىمىز وسى ەدٸ. ەرتايجان, ەپكەڭە تاعى بٸرەۋٸن سالىپ جٸبەرشٸ – دەپ اقتالعانداي بولدى. بۇدان كەيٸن ەلگٸ ەيەل قالتاسىن شەكٸلدەۋٸككە تولتىرىپ ٶز جٶنٸمەن كەتتٸ.
بٸر كەزدە ەرتايمەن بٸرگە وقيتىن قالقانقۇلاق سەرٸك كەلە قالماسى بار ما? اۋىل ادامدارى بٸر-بٸرٸنە جاقسى تانىس قوي.
– مىناۋ ەلگٸ ەردەننٸڭ نەمەرەسٸ مە? كەل, كەلە عوي, شەكٸلدەۋٸك ال, – دەپ اتاسى بٸر تيىن الماستان ونىڭ ەكٸ قالتاسىن تولتىرا شەكۋٸلدەۋٸك سالىپ بەردٸ. سەرٸكتٸڭ ەكٸ ەزۋٸ ەكٸ قۇلاعىنا جەتٸپ, مەز بولىپ كەتە باردى.
– ە, ەرتايجان, ەردەن دەگەن جٸگٸتتٸن تٶرەسٸ ەدٸ عوي. قولىندا باردى كٸسٸدەن ايامايتىن. اشارشىلىق جىلدارى ٷيٸنەن تالاي دەم تاتىپ ەدٸك, – دەدٸ اتاسى. اتاسىنىڭ كٶڭٸلشەكتٸگٸنەن, اۋىلداعىلاردىڭ بەرٸ تانيتىندىعىنىڭ كەسٸرٸنەن تٷسكە جەتپەي-اق دوربانىڭ تٷبٸ كٶرٸندٸ. ەرتايدىڭ قالتاسىندا بار بولعانى 1000 تەڭگە عانا تٷستٸ. بۇدان سوڭ, ەكەۋٸ ٷيگە قايتتى. اتاسىنىڭ ويىندا تٷك جوك, ٶزٸنەن-ٶزٸ مەز بولىپ كەلە جاتىر.
– وي, ەرتايجان, نەسٸن ايتاسىڭ, كٶپتەن ٷيدەن شىقپاپ ەدٸم! بٷگٸن بٸر كەرەمەت كٷن بولدى. بازارعا كٷندە كەلەيٸك. شەكٸلدەۋٸك ساتايىق, – دەپ قويادى. ەكٸ ساۋداگەردٸڭ ساۋدا جايىن ەستٸگەن اپاسى:
– شٸركٸن! ساۋداگەر بولعاندارىڭا! – دەپ سىلق-سىلق كٷلدٸ.
